ДӘРС 47

Вәфтиз олунмаға һазырсыныз?

PLAY

Мүгәддәс Китабы арашдырандан бәри Јеһова һагда чох шеј өјрәнмисиниз. Јәгин ки, өјрәндикләринизә ујғун давранараг һәјатынызда мүәјјән дәјишикликләр етмисиниз. Бунунла белә, ола билсин, өзүнүзү Јеһоваја һәср едиб, вәфтиз олунмаға нәсә сизә мане олур. Бу дәрсдә һәмин манеәләрдән бәзиләрини нәзәрдән кечирәҹәјик вә ҝөрәҹәјик ки, онлары неҹә ашмаг олар.

1. Вәфтиз олунмаг үчүн нә гәдәр билијиниз олмалыдыр?

Вәфтиз олунмаг үчүн «һәгигәт барәсиндә дәгиг билијә» јијәләнмәлисиниз (1 Тимутијә 2:4). Бу о демәк дејил ки, сиз Мүгәддәс Китаба аид бүтүн суалларын ҹавабыны билмәлисиниз. Һәтта узун мүддәтдир вәфтиз олунмуш мәсиһиләр белә, өјрәнмәјә давам едирләр (Колослулара 1:9, 10). Бунунла белә, Мүгәддәс Китабын әсас тәлимләрини билмәк ваҹибдир. Јығынҹағын ағсаггаллары билијинизин кифајәт гәдәр олуб-олмадығыны мүәјјән етмәјә сизә көмәк едәҹәк.

2. Вәфтиз олунмаг үчүн һансы аддымлары атмалысыныз?

Вәфтиз олунмаг үчүн төвбә едиб, јолунуздан дөнмәлисиниз. (Һәвариләрин ишләри 3:19 ајәсини охујун.) Бу о демәкдир ки, әввәлләр етдијиниз һәр һансы ҝүнаһа ҝөрә үрәкдән пешмансыныз вә Јеһовадан әфв диләјирсиниз. Һәмчинин пис әмәлләри гәтијјәтлә рәдд едирсиниз вә Аллаһын бујурдуғу кими јашамаға әзмлисиниз. Бундан башга, јығынҹаг ҝөрүшләринә ҝәлирсиниз вә вәфтиз олунмамыш тәблиғчи кими хидмәт едирсиниз.

3. Нәјә ҝөрә вәфтиз олунмаға горхмамалысыныз?

Бәзи инсанлар горхурлар ки, Јеһоваја вердикләри сөзү тута билмәзләр. Дүздүр, бәзән сәһвләрә јол верәҹәксиниз. Мүгәддәс Китабда ады чәкилән бәзи мөмин киши вә гадынлар да һәрдән сәһвләр едирди. Унутмајын ки, Јеһова хидмәтчиләриндән камиллик ҝөзләмир. (Зәбур 103:13, 14 ајәләрини охујун.) Сиз әлиниздән ҝәләни едәндә Јеһова севинир. О сизә көмәк едәҹәк. Јеһова әмин едир ки, һеч нә сизи Онун «мәһәббәтиндән ајыра билмәз». (Ромалылара 8:38, 39 ајәләрини охујун.)

Д Ә Р И Н Л И Ј Ә В А Р Ы Н

Ҝөрүн Јеһованы даһа јахындан танымагла вә Онун көмәјини гәбул етмәклә манеәләри неҹә аша биләрсиниз.

4. Јеһованы јахындан таныјын

Вәфтиз олунмаг үчүн Јеһованы нә гәдәр јахындан танымалысыныз? О гәдәр јахшы танымалысыныз ки, үрәјиниздә Она гаршы мәһәббәт јарансын вә Ону разы салмаг истәјәсиниз. ВИДЕОЈА бахын вә ҝөрүн дүнјанын мүхтәлиф јерләриндә јашајан инсанлар буну неҹә едибләр. Сонра нөвбәти суалы мүзакирә един:

ВИДЕО: «Вәфтизә ҝедән јол» (3:56)

Бәзи инсанлара вәфтизә һазыр олмаға нә көмәк едиб?

Ромалылара 12:2 ајәсини охујун вә нөвбәти суаллары мүзакирә един:

Мүгәддәс Китабда јазыланлара, јахуд Јеһованын Шаһидләринин һәгигәти өјрәтдијинә шүбһә едирсиниз?
Әҝәр үрәјиниздә шүбһә варса, нә едә биләрсиниз?

5. Манеәләри ашын

Һәр биримиз һәјатымызы Јеһоваја һәср едиб, вәфтиз олунмаг гәрарына ҝәләндә чәтинликләрлә үзләширик. Нүмунә үчүн ВИДЕОЈА бахын вә нөвбәти суаллары мүзакирә един:

ВИДЕО: «Јеһоваја мәһәббәт манеәләрә галиб ҝәлир» (5:22)

Наранҝерел баҹы Јеһоваја хидмәт етмәк үчүн һансы манеәләри ашмалы иди?
Јеһоваја мәһәббәт бу манеәләрә галиб ҝәлмәјә она неҹә көмәк етди?

Мәсәлләр 29:25 вә 2 Тимутијә 1:7 ајәләрини охујун. Сонра нөвбәти суалы мүзакирә един:

Нәјин сајәсиндә манеәләри ҹәсарәтлә аша биләрик?

6. Јеһованын көмәјинә архаланын

Јеһова сизә көмәк едәҹәк ки, Онун бујурдуғу кими јашајасыныз. ВИДЕОЈА бахын вә нөвбәти суаллары мүзакирә един:

ВИДЕО: «Јеһова Аллаһ сәнә көмәк едәҹәк» (2:50)

Видеодакы киши нәјә ҝөрә вәфтиз олунмаға тәрәддүд едирди?
Онун Јеһоваја етибарыны нә мөһкәмләндирди?

Әшија 41:10, 13 ајәләрини охујун вә нөвбәти суалы мүзакирә един:

Нәјә ҝөрә әмин ола биләрсиниз ки, һәср олунаркән Аллаһа вердијиниз сөзү тута биләҹәксиниз?

7. Јеһованын сизә олан мәһәббәтини гијмәтләндирин

Јеһованын сизә олан севҝиси барәдә дүшүндүкҹә миннәтдарлығыныз артаҹаг вә Она әбәдијјән ибадәт етмәк истәјиниз аловланаҹаг. Зәбур 40:5 ајәсини охујун вә нөвбәти суалы мүзакирә един:

Бәхш етдији һансы немәтләрә ҝөрә Јеһоваја хүсусилә миннәтдарсыныз?

Әрәмја пејғәмбәр Јеһованы да, Кәламыны да чох севирди. Онун үчүн Јеһованын адыны дашымаг бөјүк шәрәф иди. О демишди: «Сөзүн мәнә севинҹ верди, үрәјимә шадлыг ҝәтирди. Чүнки мән Сәнин адыны дашыјырам, еј ордулар Аллаһы Јеһова» (Әрәмја 15:16). Нөвбәти суаллара ҹаваб верин: