Ҝејим вә хариҹи ҝөрүнүш мәсәләсиндә һәрәнин бир зөвгү вар. Мүгәддәс Китабдакы бәзи садә принсипләрә әмәл етсәк, һәм өз зөвгүмүзә ујғун ҝејинәҹәјик, һәм дә Јеһованы разы салаҹағыг. Ҝәлин бу принсипләри нәзәрдән кечирәк.

1. Ҝејим вә хариҹи ҝөрүнүш мәсәләсиндә һансы принсипләри рәһбәр тутмалыјыг?

Биз ләјагәтлә, абыр-һәја илә, ағыл-камалла ҝејинмәлијик, һәмчинин үст-башымыз тәмиз олмалыдыр ки, мөмин олдуғумуз ҝөрүнсүн (1 Тимутијә 2:9, 10). Ҝәлин дөрд принсипә нәзәр салаг: 1) Ҝејимимиз «ләјагәтли», јахуд мүнасиб олмалыдыр. Јәгин, јығынҹаг ҝөрүшләриндә фикир вермисиниз ки, Јеһованын хидмәтчиләринин зөвгләри мүхтәлифдир, амма онларын ҝејиминдән вә сач дүзүмүндән Аллаһа һөрмәт етдикләри ҝөрүнүр. 2) «Абыр-һәја илә» ҝејинмәк одур ки, палтарымыз ачыг-сачыг олмамалы вә чох диггәт чәкмәмәлидир. 3) «Ағыл-камалла» ҝејинмәк исә о демәкдир ки, биз дәб далынҹа гачмамалыјыг. 4) Хариҹи ҝөрүнүшүмүздән «мөмин» олдуғумуз, јәни Аллаһа ибадәт етдијимиз һәмишә ҝөрүнмәлидир (1 Коринфлиләрә 10:31).

2. Ҝејимимиз диндашларымыза неҹә тәсир едә биләр?

Ҝејим сечмәкдә азад олсаг да, ҝөрүнүшүмүзүн башгаларына неҹә тәсир едәҹәји барәдә дүшүнмәлијик. Биз һеч кимин һиссләринә тохунмаг истәмирик, әксинә, «һәр биримиз башгасынын хејри вә гүввәтләнмәси үчүн» чалышырыг. (Ромалылара 15:1, 2 ајәләрини охујун.)

3. Ҝејимимиз инсанлары Јеһоваја неҹә ҹәлб едә биләр?

Биз һәмишә ләјагәтлә ҝејинмәјә чалышырыг. Амма јығынҹаг ҝөрүшләринә ҝәләндә вә хидмәт едәндә ҝејимимизә хүсусилә фикир веририк. Биз истәмирик ки, ҝејимимиз инсанларын диггәтини чатдырдығымыз хәбәрдән јајындырсын, әксинә, истәјирик ки, инсанлары һәгигәтә ҹәлб еләсин вә Хиласкарымыз Аллаһын тәлимини бәзәсин (Титуса 2:10).

 Д Ә Р И Н Л И Ј Ә  В А Р Ы Н

4. Хариҹи ҝөрүнүшүмүз Јеһоваја мүнасибәтимизи ҝөстәрир

Хариҹи ҝөрүнүшүмүзә фикир вермәјин ән әсас сәбәби нәдир? Зәбур 47:2 ајәсини охујун вә нөвбәти суаллары мүзакирә един:

• Јеһованы тәмсил етмәјимиз ҝејимимизә неҹә тәсир етмәлидир?

• Сизҹә, јығынҹаг ҝөрүшләринә ҝәләркән, јахуд тәблиғ едәркән ҝејимимизә фикир вермәк ваҹибдир? Нәјә ҝөрә белә дүшүнүрсүнүз?

 5. Ҝејим вә хариҹи ҝөрүнүшлә бағлы дүзҝүн сечимләр един

ВИДЕОЈА бахын.

Баһалы вә ја уҹуз олмасындан асылы олмајараг, ҝејимимиз тәмиз олмалыдыр, һәмчинин һәр вәзијјәтә мүнасиб вә ләјагәтли олмалыдыр. 1 Коринфлиләрә 10:24 вә 1 Тимутијә 2:9, 10 ајәләрини охујун. Сонра нөвбәти ҝејим тәрзләринин нәјә ҝөрә намүнасиб олдуғуну мүзакирә един:

• сәлигәсиз вә һәддиндән артыг сәрбәст

• дар вә ачыг-сачыг

Мәсиһиләр Төвратын табелији алтында олмасалар да, орадан Јеһованын дүшүнҹә тәрзи барәдә чох шеј өјрәнә биләрләр. Ганунун тәкрары 22:5 ајәсини охујун вә нөвбәти суалы мүзакирә един:

• Нәјә ҝөрә ҝејимимиз вә хариҹи ҝөрүнүшүмүз елә олмамалыдыр ки, биз әкс ҹинсин нүмајәндәсинә охшајаг?

1 Коринфлиләрә 10:32, 33 вә 1 Јәһја 2:15, 16 ајәләрини охујун. Сонра нөвбәти суаллары мүзакирә един:

• Нәјә ҝөрә хариҹи ҝөрүнүшүмүзүн јашадығымыз әразидә, јахуд јығынҹагда инсанларын һиссләринә тохунуб-тохунмадығы барәдә дүшүнмәлијик?

• Јашадығыныз әразидә һансы ҝејим вә хариҹи ҝөрүнүш тәрзләри ҝениш јајылыб?

• Сизҹә, онлардан һансыларса мәсиһиләр үчүн намүнасибдир? Нәјә ҝөрә белә дүшүнүрсүнүз?

 ИҸМАЛ

Ҝејимимиз вә хариҹи ҝөрүнүшүмүзлә бағлы дүзҝүн сечимләр едәндә Јеһоваја вә инсанлара һөрмәт етдијимизи ҝөстәририк.

Тәкрар

• Нәјә ҝөрә Јеһова ҝејимимизин вә хариҹи ҝөрүнүшүмүзүн мүнасиб олуб-олмадығына фикир верир?

• Хариҹи ҝөрүнүшүмүзлә бағлы гәрар верәркән һансы принсипләри рәһбәр тутмалыјыг?

• Хариҹи ҝөрүнүшүмүз инсанларын ибадәтимизә мүнасибәтинә неҹә тәсир едә биләр?