«Нә јахшыдыр, нә хошдур, гардашлар бир олуб, бир јашајанда!» (Зәбур 133:1). Диндашларымызын арасында оланда биз дә Давуд падшаһын бу сөзләринә шәрик олуруг. Арамыздакы бирлик өз-өзүнә јаранмыр. Бу бирлијин олмасына һәр биримиз өз төһфәмизи вермәлијик.

1. Аллаһын халгынын сәҹијјәви ҹәһәти һансыдыр?

Башга өлкәдәки ибадәт ҝөрүшүндә иштирак етсәниз, бәлкә дә онларын дилини баша дүшмәјәҹәксиниз, амма өзүнүзү евиниздәки кими һисс едәҹәксиниз. Нә үчүн? Чүнки бүтүн дүнјада Јеһованын Шаһидләри ејни нәшрләрин васитәсилә Мүгәддәс Китабы арашдырыр. Биз һәмчинин бир-биримизә мәһәббәт ҝөстәрмәјә ҹан атырыг. Һарада јашамағымыздан асылы олмајараг, һамымыз Јеһованын адыны чағырырыг, чијин-чијинә Она гуллуг едирик (Сәфәнја 3:9).

2. Бирлијә неҹә төһфә верә биләрсиниз?

«Бир-биринизи сәмими-гәлбдән, һәрарәтлә севин» (1 Бутрус 1:22). Бу мәсләһәтә неҹә әмәл едә биләрсиниз? Диггәти инсанларын чатышмајан ҹәһәтләринә ҹәмләмәјин, онларда јахшы шејләри ҝөрмәјә чалышын. Тәкҹә марагларынызын үст-үстә дүшдүјү шәхсләрлә отуруб-дурмајын, мүхтәлиф баҹы-гардашларла таныш олун. Һәмчинин үрәјиниздә гәрәз варса, ону чыхарыб атын a. (1 Бутрус 2:17 ајәсини охујун.)

3. Диндашынызла аранызда анлашылмазлыг јарананда нә етмәлисиниз?

Арамызда бирлик олса да, биз гејри-камилик. Бәзән бир-биримизи мәјус едир, јахуд инҹидирик. Буна ҝөрә дә Аллаһын Кәламында мәсләһәт ҝөрүлүр: «Бир-биринизи үрәкдән бағышлајын». Ардынҹа дејилир: «Јеһова сизи үрәкдән бағышладығы кими, сиз дә бир-биринизи үрәкдән бағышламалысыныз». (Колослулара 3:13 ајәсини охујун.) Биз Јеһованы дәфәләрлә мәјус едирик, амма О бизи бағышлајыр. Бу сәбәбдән, биздән дә ҝөзләјир ки, диндашларымызы бағышлајаг. Әҝәр ҝөрсәниз ки, киминсә хәтринә дәјмисиниз, мәсәләни јолуна гојмаг үчүн өзүнүз тәшәббүс ҝөстәрин b. (Мәтта 5:23, 24 ајәләрини охујун.)

 Д Ә Р И Н Л И Ј Ә  В А Р Ы Н

4. Гәрәзә јол вермәјин

Биз истәјирик ки, бүтүн баҹы-гардашларымыза севҝи бәсләјәк. Амма бәзән биздән фәргли олан адамлары севмәк чәтин олур. Бу заман нә көмәк едә биләр? Һәвариләрин ишләри 10:34, 35 ајәләрини охујун вә нөвбәти суаллары мүзакирә един:

• Јеһова һәр ҹүр инсанларын ичиндән өзүнә Шаһид сечир. Бу фикир сиздән фәргләнән инсанлара мүнасибәтинизә неҹә тәсир етмәлидир?

• Әразиниздә кимләрә гәрәзлә јанашырлар? Нәјә ҝөрә бу гәрәздән узаг дурмалысыныз?

2 Коринфлиләрә 6:11—13 ајәләрини охујун вә нөвбәти суалы мүзакирә един:

• Бүтүн баҹы-гардашлара мәһәббәт ҝөстәрмәји неҹә өјрәнә биләрсиниз?

5. Үрәкдән бағышлајын вә барышын

Јеһова һеч вахт һеч кимә гаршы сәһв етмир. Бунунла белә, О һамыны үрәкдән бағышлајыр. Зәбур 86:5 ајәсини охујун вә нөвбәти суаллары мүзакирә един:

• Јеһова нә дәрәҹәдә бағышлајыр?

• Нәјә ҝөрә Јеһованын бағышлајан олмасы сизи севиндирир?

• Һансы вәзијјәтләрдә башгалары илә јола ҝетмәк чәтин олур?

Јеһовадан нүмунә ҝөтүрүб баҹы-гардашларымызла арамыздакы бирлији неҹә горуја биләрик? Мәсәлләр 19:11 ајәсини охујун вә нөвбәти суалы мүзакирә един:

• Кимсә сизи әсәбиләшдирәндә, јахуд хәтринизә дәјәндә вәзијјәти јумшалтмаг үчүн нә едә биләрсиниз?

 Бәзән биз өзүмүз дә башгаларынын хәтринә дәјирик. Бу заман нә етмәлијик? ВИДЕОЈА бахын вә нөвбәти суалы мүзакирә един:

• Баҹы барышмаг үчүн нә етди?

 ИҸМАЛ

Диндашларынызы бағышламагла вә бүтүн баҹы-гардашлара мәһәббәт ҝөстәрмәклә јығынҹагдакы бирлијә төһфә верә биләрсиниз.

Тәкрар

• Гәрәзә неҹә галиб ҝәлә биләрсиниз?

• Диндашынызла аранызда анлашылмазлыг јаранарса, нә едәҹәксиниз?

• Нәјә ҝөрә башгаларыны бағышламагда Јеһоваја бәнзәмәк истәјирсиниз?