Ибраниләрә 5:12 ајәсиндә дејилир ки, биз мүәллим олмалыјыг. Тәсәввүр един, ән даһи Мүәллим олан Јеһова Аллаһ бизә бујуруб ки, инсанлара Онун һаггында билик верәк! Истәр аиләдә, истәр јығынҹагда, истәрсә дә тәблиғдә Јеһова һаггында һәгигәти өјрәтмәк бөјүк шәрәф вә бөјүк мәсулијјәтдир. Бу мәсулијјәти мүвәффәгијјәтлә неҹә јеринә јетирә биләрик?

Ҹавабы һәвари Булусун Тимутијә јаздығы сөзләрдән билмәк олар. О јазмышды: «Өзүнү... ҹамаат гаршысында охумаға, өјүд-нәсиһәт вә тәлим вермәјә һәср ет». Сонра әлавә етмишди: «Бу јолла һәм өзүнү, һәм дә сәнә гулаг асанлары хилас едәҹәксән» (1 Тим. 4:13, 16). Сизә һәјати ваҹиб хәбәри ҹар чәкмәк һәвалә олунуб. Одур ки, охумагда вә тәлим вермәкдә пүхтәләшмәк олдугҹа ваҹибдир. Әлиниздәки брошүр сизә бу мәгсәдә чатмаға көмәк едәҹәк. Ҝәлин брошүрүн бир нечә сәҹијјәви ҹәһәтини нәзәрдән кечирәк.

Јеһова Бөјүк Нәсиһәтчидир (Әшј. 30:20). Бу брошүрүн көмәји илә охумаг вә тәлим вермәк габилијјәтиниз јахшылашанда јаддан чыхармајын ки, јајдығымыз хәбәр Јеһоваја мәхсусдур вә инсанлары О ҹәлб едир (Јәһ. 6:44). Буна ҝөрә дә тез-тез дуада Аллаһдан мүгәддәс руһ истәјин. Һәмишә Мүгәддәс Китабдан истифадә един. Диггәти Јеһоваја ҹәмләјин, өзүнүзә јох. Динләјиҹиләрин үрәјиндә Јеһоваја мәһәббәт јетишдирин.

Сизә индијә гәдәр инсанлара үнванланан ән ваҹиб хәбәри чатдырмаг, һәгигәти өјрәтмәк һәвалә олунуб. Әминик ки, Аллаһын вердији ҝүҹә архаландығыныз тәгдирдә бу ишдә уғур газанаҹагсыныз (1 Бут. 4:11).

Сизин мүәллим јолдашларыныз,

Јеһованын Шаһидләринин Рәһбәрлик Шурасы