Јуил 1:1—20
1 Фәтуил оғлу Јуилә* Јеһованын сөзү назил олду:
2 «Ешидин, еј ағсаггаллар!Еј өлкә сакинләри, гулаг асын!
Сизин дөврүнүздә,Јахуд ата-бабаларынызын дөврүндә белә бир шеј олубму?+
3 Буну өвладларыныза данышын,Өвладларыныз өз өвладларына,Онларын өвладлары да гој сонракы нәслә данышсын.
4 Јејиб мәһв едән чәјирткәдән галаны чәјирткә сүрүсү једи,+Чәјирткә сүрүсүндән галаны ганадсыз чәјирткә једи,Ганадсыз чәјирткәдән галаны аҹҝөз чәјирткә једи.+
5 Ајылын, еј сәрхошлар,+ аҹы-аҹы ағлајын!
Еј шәраб дүшкүнләри, налә чәкин,Ширин шәрабы ағзыныздан чәкиб алдылар.+
6 Мәним торпағыма ҝүҹлү, сајсыз-һесабсыз бир халг ҝәлди.+
Онун дишләри аслан диши,+ чәнәси аслан чәнәсидир.
7 О, үзүм тәнәјими зај етди, әнҹир ағаҹымдан гуру көтүк галды,Онларын габығыны сојуб туллады,Будаглары чыл-чылпаг галды.
8 Ҝәнҹлик илләринин нишанлысыны* итирмиш,Чул ҝејинмиш гыз кими шивән гопар.
9 Јеһованын евиндән тахыл тәгдимәси,+ шәраб тәгдимәси+ кәсилди.Каһинләр, Јеһованын гуллугчулары јас тутур.
10 Зәми виран галыб, торпаг инилдәјир,+Чүнки тахыл талан едилиб, тәзә шәраб гурујуб, јағ түкәниб.+
11 Әкинчиләр тәлаш кечирир, бағбанлар ағлајыр,Саһәләрдә нә буғда, нә арпа вар,Мәһсул јоха чыхыб.
12 Үзүм тәнәји гурујуб,Әнҹир ағаҹы солуб.
Нар, хурма, алма ағаҹлары,Бүтүн чөл ағаҹлары гурујуб.+Инсанлар арасындакы севинҹ хәҹаләтә дөнүб.
13 Еј каһинләр, чула бүрүнүб јас тутун*!Еј гурбанҝаһда хидмәт едәнләр,+ фәған един!
Еј Аллаһымын гуллугчулары, ҝәлин, ҝеҹәни чул ичиндә кечирин!Чүнки Аллаһынызын евинә тахыл+ вә шәраб тәгдимәләри+ ҝәтирилмир.
14 Оруҹ елан един; тәнтәнәли јығынҹаг чағырын.+
Ағсаггаллары, бүтүн өлкә сакинләрини Аллаһыныз Јеһованын евинә топлајын,+Јеһовадан имдад диләјин.
15 Вај, о ҝүн ҝәлир!
Јеһованын ҝүнү јахындыр,+Гүдрәт Саһибиндән фәлакәт кими ҝәлир о ҝүн!
16 Ахы ҝөзүмүзүн өнүндән јемәкләр,Аллаһымызын евиндән севинҹ, шадлыг јох олуб.
17 Күрәк алтындакы тохумлар* бүрүшүб.
Анбарлар бомбош галыб.
Тахыл анбарлары дағыдылыб, чүнки мәһсул олмајыб.
18 Һәтта мал-гара зар-зар зарыјыр,
Нахырлар пәрән-пәрән дүшүб, өрүш тапмырлар.
Сүрүләр зүлүм чәкир.
19 Сәни, еј Јеһова, Сәни чағыраҹағам!+Чүнки чөллүкдәки отлаглары од гарсыдыб,Чөлдәки ағаҹлары алов јандырыб күл едиб.
20 Чөл һејванлары да Сәни һәсрәтлә ҝөзләјир,Чүнки чајлар гурујуб,Чөллүкдәки отлаглары од јандырыб-јахыб».
Һашијәләр
^ Мәнасы: Јеһова Аллаһдыр.
^ Јахуд әрини.
^ Јахуд синәнизи дөјүн.
^ Диҝәр вариант: әнҹир гурусу.