Јуил 2:1—32
2 «Сионда шејпур чалын!+
Мүгәддәс дағымда дөјүш нәрәси чәкин!
Гој бүтүн өлкә сакинләри тир-тир әссин,Чүнки Јеһованын ҝүнү ҝәлир,+ чох јахындыр!
2 О ҝүн гаранлыг, зүлмәт бир ҝүндүр!+Булудлу вә зил гаранлыг бир ҝүндүр!+Санки, дағлар дан ишығынын габағыны кәсиб.
Бөјүк, гүдрәтли бир халг вар.+Онун кимиси һеч бир заман олмајыб,Ондан сонра да һеч вахт олмајаҹаг,Ҝәләҹәк нәсилләрдә дә олмајаҹаг.
3 Өнүндә һәр шеји од јандырыб-јахыр,Архасында алов мәһв едир.+
Өнүндәки торпаг Әдән бағы кимидир,+Архасында исә бомбош сәһра.Әлиндән һеч бир шеј гуртула билмир.
4 Ҝөркәмҹә ата бәнзәјир,Дөјүш атлары кими гачырлар.+
5 Онларын сәси дағ башында сычрајан ҹәнҝ арабаларынын ҝурултусу кимидир,+Күләши јандыран аловун чыртылтысына охшајыр.
Дөјүш низамы илә дүзүлмүш гүдрәтли халг кимидир.+
6 Онларын әлиндән халглар әзаб чәкәҹәк.
Үзләр од тутуб јанаҹаг.
7 Онлар ҹәнҝавәртәк ирәли атылыр,Әсҝәртәк дивара дырмашырлар.Һәр бири низамла јеријир,Ҹәрҝәдән чыхмыр.
8 Бир-бирини итәләмир,Һәр кәс низамла ирәлиләјир.
Атылан охлар бәзиләрини јыхса да,О бириләри сыраны позмур.
9 Шәһәрә ҝирирләр, диварлары ашырлар.
Евләрә дырмашырлар, оғру кими пәнҹәрәләрдән ҝирирләр.
10 Габагларында јер титрәјир, ҝөјләр сарсылыр.
Ҝүнәш вә ај гаралыр,+Улдузларын парылтысы итир.
11 Јеһова Өз ордусунун башында нәрә чәкәҹәк,+ дүшәрҝәсиндә әсҝәрләрин сајы-һесабы јохдур.+
Сөзүнү јеринә јетирән Аллаһ гүдрәтлидир.Бәли, Јеһованын ҝүнү мөһтәшәм вә мүдһишдир!+
Ким дуруш ҝәтирә биләр?»+
12 Јеһова бәјан едир: «Буна ҝөрә дә бүтүн гәлбинизлә Мәнә сары дөнүн,+Оруҹ тутун,+ ағлајыб налә чәкин.
13 Јаханызы јох,+ үрәјинизи ҹырын,+Аллаһыныз Јеһоваја тәрәф гајыдын,Чүнки О, мәрһәмәтли, рәһмли, сәбирлидир+, мәһәббәти болдур+,Фәлакәт һөкмүнә ҝөрә һејифсиләнәр.
14 Ким билир, бәлкә дә, һејифсиләнәҹәк+ вә сизә бәрәкәт верәҹәк,Белә ки, Аллаһыныз Јеһова үчүнТахыл вә шәраб тәгдимәси ҝәтирә биләсиниз.
15 Сионда шејпур чалын!
Оруҹ елан един, тәнтәнәли јығынҹаг чағырын!+
16 Халгы топлајын, јығынҹағы пак един.+
Аһыллары топлајын, ушаглары вә сүдәмәр көрпәләри топлајын.+
Гој бәј отағындан, ҝәлин ҝәрдәјиндән чыхсын.
17 Гој каһинләр,Јеһованын хидмәтчиләри ејванла гурбанҝаһ+ арасында ағлајыб десинләр:
“Еј Јеһова, халгына рәһмин ҝәлсин,Гојма ирсин рүсвај олсун.Гојма јад халглар онларын үзәриндә ағалыг етсин.
Ахы нә үчүн халглар арасында “һаны онларын Аллаһы” дејилсин?”+
18 Онда Јеһова Өз торпағынын гејрәтини чәкәҹәк,Халгына рәһм едәҹәк.+
19 Јеһова халгына һај вериб дејәҹәк:
“Будур, сизә тахыл, тәзә шәраб, јағ верирәм,Сиз дојаҹагсыныз.+Бир даһа сизи халглар арасында рүсвај етмәјәҹәјәм.+
20 Шималлыны говуб сиздән узаглашдыраҹағам,Гупгуру чөл-бијабана говаҹағам.Өн ҹәрҝәләрини шәрг дәнизинә*,Арха ҹәрҝәләрини гәрб дәнизинә* говаҹағам.
Ондан пис иј галхаҹаг,Арамсыз үфунәт јајылаҹаг.+Аллаһ мөһтәшәм ишләр ҝөрәҹәк”.
21 Горхма, еј торпаг!
Севин, шадлан! Јеһова, доғрудан да, мөһтәшәм ишләр ҝөрәҹәк.
22 Горхмајын, еј чөлүн һејванлары,Дүзәнҝаһлар јамјашыл дон ҝејәҹәк,+Ағаҹлар бар ҝәтирәҹәк,+Әнҹир, үзүм бол олаҹаг.+
23 Еј Сион оғуллары, шадланын, севинҹиниз Аллаһыныз Јеһова олсун,+Чүнки О, сизә бәс гәдәри пајыз јағышы верәҹәк.О, сизә әввәлләр олдуғу кими ҝур јағышлар,Пајыз вә јаз јағышлары ҝөндәрәҹәк.+
24 Хырманлар тахылла долаҹаг,Чәнләр тәзә шәраб вә јағла долуб-дашаҹаг.+
25 Үзәринизә ҝөндәрдијим бөјүк гошунумун,+Илләр боју мәһсулунузу јејән чәјирткә сүрүсүнүн, ганадсыз чәјирткәнин,Аҹҝөз чәјирткәнин вә мәһв едән чәјирткәнин сизә вурдуғу зијаны өдәјәҹәјәм.
26 Сиз дојунҹа јејәҹәксиниз,+Сизин үчүн харигәли ишләр ҝөрәнАллаһыныз Јеһованын адыны мәдһ едәҹәксиниз.+Халгым даһа үзүгара олмајаҹаг.+
27 Онда биләҹәксиниз ки, Мән Исраилин арасындајам,+Мән Аллаһыныз Јеһовајам,+ башгасы јохдур!
Халгым даһа үзүгара олмајаҹаг.
28 Бундан сонра һәр ҹүр инсанын үзәринә руһуму төкәҹәјәм,+Сизин оғулларыныз да, гызларыныз да пејғәмбәрлик едәҹәк.Гоҹаларыныз рөјалар ҝөрәҹәкләр,Ҝәнҹләриниз вәһјләр алаҹаг.+
29 Һәтта гулларымын вә гарабашларымын да үзәринәҺәмин ҝүнләрдә руһуму төкәҹәјәм.
30 Мән ҝөјдә вә јердә мөҹүзәләр* ҝөстәрәҹәјәм:Ган, од вә түстү бурумлары.+
31 Јеһованын мөһтәшәм вә мүдһиш ҝүнү ҝәлмәздән әввәл+Ҝүнәш зүлмәтә, ај гана гәрг олаҹаг.+
32 Јеһованын адыны чағыран һәр кәс гуртулаҹаг.+Ахы Јеһова дејиб ки, Сион дағында вә Јерусәлимдә гуртуланлар олаҹаг,+Јеһованын чағырдығы о кәсләр сағ галаҹаг».
