Јунус 2:1—10
2 Јунус балығын гарнында Аллаһы Јеһоваја дуа едиб+
2 деди:
«Дарда оланда Јеһованы чағырдым, О, мәнә һај верди.+
Мәзарын* бағрындан имдад диләдим,+
Сән сәсими ешитдин.
3 Сән мәни дәрјанын дибинә, дәнизин көксүнә атдын.Ахын мәни удду,+
Азғын далғаларын үстүмдән кечди.+
4 Дедим: “Мәни ҝөзүнүн габағындан говдун,
Бир дә мүгәддәс мәбәдини ҝөрәҹәјәмми?”
5 Сулар мәни удду, ҹанымы һаглады,+Үмман мәни ағушуна алды,
Јосунлар башыма долашды.
6 Дағларын дибинәдәк ендим,
Архамҹа дүнјанын гапылары һәмишәлик бағланаҹагды,
Лакин Сән ҹанымы гујудан чыхартдын, еј Аллаһым Јеһова.+
7 Ҹаным үзүләндә Јеһованы јада салдым.+
О заман дуам Сәнә, мүгәддәс мәбәдинә јетишди.+
8 Пуч бүтләрә пәрәстиш едәнләр мәһәббәт чешмәсини тәрк едирләр*.
9 Мән исә Сәнә шүкранларла гурбан ҝәтирәҹәјәм,
Нәзирими јеринә јетирәҹәјәм.+
Гуртулуш Сәндәндир, еј Јеһова».+
10 Сонра Јеһова балыға әмр етди вә балыг Јунусу гуруја гајтарды.
