Јушә 17:1—18
17 Сонра Мәнәссә+ гәбиләси үчүн пүшк атылды+, чүнки Мәнәссә Јусифин илк оғлу иди.+ Мәнәссәнин илк оғлу, Ҝиладын атасы Маһир+ дөјүшчү олдуғуна ҝөрә она Ҝилад вә Башан торпағы верилди.+
2 Мәнәссәнин о бири өвладларынын — Әбусәрин+, Һәләкин, Әсриилин, Сиһамын, Һәфәрин, Шәмидин нәсилләри үчүн дә пүшк атылды. Јусиф оғлу Мәнәссәнин оғуллары вә онларын нәсилләри бу иди.+
3 Мәнәссәнин көтүҹәси, Маһирин нәтиҹәси, Ҝиладын нәвәси, Һәфәрин оғлу Сәлөвһәдин+ оғлу јох иди, анҹаг гызлары вар иди. Гызларынын ады Мәһла, Нуһә, Һәҹлә, Милгә вә Тирзә иди.
4 Онлар каһин Әлјазарын+, Нун оғлу Јушәнин вә башчыларын јанына ҝәлиб дедиләр: «Јеһова Мусаја бујурмушду ки, сојдашларымыз арасында бизә дә мирас верилсин».+ Беләҹә, Јеһованын әмринә мүвафиг олараг, онлара аталарынын гардашлары арасында мирас верилди.+
5 Мәнәссәјә Иорданын о бири тајында* олан Ҝилад вә Башан торпағындан савајы даһа он һиссә торпаг дүшдү.+
6 Чүнки Мәнәссәнин оғуллары илә бәрабәр гызларына да мирас верилди. Ҝилад торпағы Мәнәссәнин о бири өвладларынын мүлкү олду.
7 Мәнәссәнин сәрһәди Аширдән Сиһамын+ гаршысындакы Микмәтә+ гәдәр иди. О, ҹәнуба, Ејн-Тәффуа сакинләринин јашадығы јерә енирди.
8 Тәффуа+ торпағы Мәнәссәнин олду. Мәнәссәнин сәрһәдиндә олан Тәффуа шәһәри исә Әфраим өвладларына мәхсус иди.
9 Сәрһәд ҹәнуба, Кәнаһ вадисинә енирди. Мәнәссә шәһәрләри арасында Әфраимин шәһәрләри вар иди.+ Мәнәссәнин сәрһәди вадинин шималындан кечиб дәниздә битирди.+
10 Әфраим ҹәнубда, Мәнәссә шималда јерләширди, дәниз исә сәрһәд иди.+ Мәнәссә шималда Аширлә, шәргдә Јәсакирлә һәмсәрһәд иди.
11 Јәсакирин вә Аширин әразисиндә олан бу шәһәрләр әһалиси вә әтраф шәһәрләрлә бирликдә Мәнәссәјә верилди: Бејт-Шәән, Јивлам+, Дор+ вә үч дағлы-тәпәли бөлҝә — Ејн-Дор+, Танаг+, Меҝиддо.
12 Амма Мәнәссә өвладлары бу шәһәрләрә саһиб ола билмәдиләр, кәнаниләр орада галыб јашадылар.+
13 Исраиллиләр гүввәтләнәндә кәнаниләри көләлијә салдылар,+ амма торпагларыны тамамилә әлә кечирмәдиләр.+
14 Јусиф өвладлары Јушәјә дедиләр: «Нијә бизә бир пај ајырмысан?+ Ахы Јеһова бизи мүбарәк гылыб, бөјүк бир халг олмушуг».+
15 Јушә онлара ҹаваб верди: «Мадам ки сиз чохсунуз вә Әфраим дағлыг бөлҝәси+ сизә азлыг едир, онда фәризиләрлә+ рәфаларын+ мәмләкәтинә ҝедин вә мешәни гырыб орада мәскунлашын».
16 Јусиф өвладлары дедиләр: «Дағлыг бөлҝә бизә јетмир. Үстәлик, бүтүн дәрә сакинләринин, һәм Бејт-Шәәнлә+ әтраф шәһәрләрдә, һәм дә Јизраил дәрәсиндә+ јашајан кәнаниләрин дәрјазлы ҹәнҝ арабалары вар+».
17 Јушә Јусиф өвладларына, Әфраимә вә Мәнәссәјә деди: «Сиз бөјүк вә гүдрәтли халгсыныз. Сизә бир пај аздыр.+
18 Дағлыг бөлҝә дә сизин олаҹаг.+ О јер мешәлик олса да, ағаҹлары гырыб өзүнүзә орада јер еләјин. Сәрһәдиниз ора гәдәр узанаҹаг. Кәнаниләр гүдрәтли олсалар да, онларын дәрјазлы ҹәнҝ арабалары олса да, онларын торпағыны әлә кечирәҹәксиниз».+
Һашијәләр
^ Јәни шәрг тәрәфиндә.
