Амус 8:1—14
8 Күлли-Ихтијар Јеһова мәнә буну ҝөстәрди: бир сәбәт јај мејвәси ҝөрдүм.
2 О, мәнә деди: “Амус, нә ҝөрүрсән?” Мән дедим: “Бир сәбәт јај мејвәси”. Онда Јеһова мәнә деди: “Халгым Исраилин сону чатыб. Даһа онлары әфв етмәјәҹәјәм”.+
3 Күлли-Ихтијар Јеһова бәјан едир: “О ҝүн мәбәд нәғмәләри аһ-наләјә дөнәҹәк.+ Һәр јанда ҹәсәдләр атылыб галаҹаг.+ Сус!”
4 “Ешидин, сиз, еј касыбы әзәнләр,Өлкәдәки фағырларын мәһвинә баис оланлар.+
5 Сиз дејирсиниз: “Бу тәзә ај мәрасими+ гуртарсајды, буғдамызы сатардыг.Шәнбә+ кечсәјди, тахылымызы сатардыг.
Чәкини азалдардыг,Гијмәти галдырардыг,Әјри тәрәзи илә кәләк ҝәләрдик.+
6 Јохсулу ҝүмүшә,Касыбы бир ҹүт сәндәлә алардыг,+Тахылын зирзибилини дә сатардыг”.
7 Јеһова Јагубун ифтихарына анд ичиб дејир:+“Онларын әмәлләрини һеч вахт унутмајаҹағам.+
8 Буна ҝөрә өлкә тир-тир әсәҹәк,Һәр бир сакин јас тутаҹаг.+
Һамы Нилин сулары кими галхаҹаг,Мисирдәки Нил кими дашыб чәкиләҹәк”.+
9 Күлли-Ихтијар Јеһова бәјан едир:“О ҝүн елә едәҹәјәм ки, ҝүнүн ҝүнорта чағы ҝүнәш батаҹаг,Ишыглы ҝүндә өлкәни зүлмәтә гәрг едәҹәјәм.+
10 Бајрамларынызы јаса,+Маһныларынызы ағыја дөндәрәҹәјәм.
Бүтүн белләрә чул бағлајаҹағам, бүтүн башлары даз едәҹәјәм.Јеҝанә өвлады үчүн јас тутан адам кими олаҹаглар,О ҝүн аҹы бир ҝүн олаҹаг”.
11 Күлли-Ихтијар Јеһова бәјан едир: “Елә ҝүнләр ҝәлир ки,Мән өлкәјә аҹлыг ҝөндәрәҹәјәм.Халг чөрәјә вә суја јох,Јеһованын сөзләринә һәсрәт галаҹаг.+
12 Дәниздән-дәнизәШималдан шәргә гәдәр сәрҝәрдан ҝәзәҹәкләр.
Онлар Јеһованын сөзүнү ахтара-ахтара долашаҹаглар, лакин тапмајаҹаглар.
13 О ҝүн ҝөзәл-ҝөјчәк гызлар,Ҹаван оғланлар сусузлугдан һушуну итирәҹәк.
14 Онлар Сәмәријјәнин+ сахта аллаһларына анд ичиб дејирләр:“Еј Дан+, сәнин аллаһын һаггы!”
“Биир-Сәбаја+ ҝедән јол һаггы!”
Онлар һөкмән јыхылаҹаг, бир даһа дурмајаҹаглар!”+
