Амус 9:1—15
9 Јеһованы ҝөрдүм.+ Гурбанҝаһын үзәриндә дајанмышды. О, мәнә деди: “Сүтунун башындан елә вур ки, кандарлар титрәсин. Сүтунларын башыны сындыр. Мән сағ галанлары гылынҹдан кечирәҹәјәм. Һеч ким гача билмәјәҹәк, гачмаг истәјәнләр ҹаныны гуртара билмәјәҹәк.+
2 Јери газыб Мәзара* енсәләр дә,Әлими атыб онлары орадан чыхараҹағам,Ҝөјә галхсалар да,Орадан јерә салаҹағам.
3 Кармелин башында ҝизләнсәләр дә,Онлары ахтараҹағам вә орадан ҝөтүрәҹәјәм.+
Әлимдән гачыб дәнизин дибиндә ҝизләнсәләр дә,Орада илана әмр едәҹәјәм онлары чалсын.
4 Дүшмән онлары габағына гатыб әсир апарса,Орада гылынҹа әмр едәҹәјәм онлары өлдүрсүн.+Јахшылыг јох, пислик үчүн онлара ҝөз гојаҹағам.+
5 Чүнки Күлли-Ихтијар, ордулар Аллаһы Јеһова јерә тохунар,Јер әријәр,+ бүтүн сакинләри јас тутар,+Онларын һамысы Нил сулары кими галхар,Мисирдәки Нил кими чәкиләр.+
6 “Ҝөјүн пилләләрини јарадан,Гүббәсини јер үзәриндә бәргәрар едән,Дәниз суларыны јанына чағырыбЈер үзүнә төкән Одур.+Јеһовадыр Онун ады.+
7 Јеһова дејир: “Еј Исраил халгы, мәҝәр сиз Мәним үчүн кушлулар кими дејилсиниз?
Мәҝәр Исраили Мисир торпағындан,+Филиштлиләри Критдән+, арамиләри Ҝираһдан+ чыхаран Мән дејиләм?”
8 “Будур Күлли-Ихтијар Јеһованын ҝөзләри ҝүнаһкар падшаһлығын үзәриндәдир.Ону јер үзүндән силиб атаҹаг.+
Амма јенә дә Јагуб евини тамамилә мәһв етмәјәҹәјәм”,+ — бәјан едир Јеһова.
9 “Мән әмр верибИсраил евини бүтүн халглар арасындаХәлбиртәк әләјәҹәјәм,+Бир чынгыл да јерә дүшмәјәҹәк.
10 Халгымын бүтүн ҝүнаһкарлары гылынҹдан өләҹәк.Онлар дејирләр: “Бәла бизә јахынлашмаз, бизә чатмаз”.
11 Һәмин ҝүн Давудун јыхылмыш чардағыны галдыраҹағам,+Дәлмә-дешијини тутаҹағам.Виранәликләрини бәрпа едибӘввәлки һалына гајтараҹағам.+
12 Белә ки, Әдумун+ сағ галанларынаВә адым үзәрләриндә олан бүтүн халглара саһиб олсунлар”, — буну едән Јеһова бәјан едир.
13 Јеһова дејир: “Елә ҝүнләр ҝәлир ки,Ҹүтчү бичинчијә,Үзүм тапдалајан тохум сәпәнә чатаҹаг.+Дағлардан ширин шәраб дамаҹаг,+Бүтүн тәпәләрдән ахаҹаг.+
14 Халгым Исраили әсирликдән гајтараҹағам,+Онлар виран галмыш шәһәрләри тикиб орада јашајаҹаглар,+Үзүмлүкләр салыб шәрабыны ичәҹәк,+Бағ-бағат салыб мејвәсини јејәҹәкләр.+
15 Онлары өз торпагларында әкәҹәјәм,Онлар пај вердијим торпагдан бир даһа гопарылмајаҹаглар”.+Буну сизин Аллаһыныз Јеһова дејир».
