Ваиз 1:1—18
1 Ваизин*,+ Јерусәлимдә падшаһлыг едән+ Давуд оғлунун сөзләри.
2 «Пучун пучу! — деди ваиз.Пучун пучу! Һәр шеј пучдур!»+
3 Ҝүнәш алтында чәкдији ағыр зәһмәтдән,Әзијјәтдән инсана нә фајда?+
4 Бир нәсил ҝедир, о бири нәсил ҝәлир,Амма Јер әбәди дурур.+
5 Ҝүнәш чыхыр, ҝүнәш батыр,Сонра тәзәдән доғаҹағы јерә тәләсир.+
6 Күләк ҹәнуб сәмтинә әсир, сонра шимал сәмтинә дөнүр;Елә һеј дөвр едир. Күләк тәкрар-тәкрар дөвр едир.
7 Бүтүн чајлар ахыб дәнизә төкүлүр, амма дәниз һеч вахт дашмыр.+
Чајлар башладыглары јерә гајыдыр ки, тәзәдән ахсын.+
8 Һәр шеј јоруҹудур;Һәр шеј барәдә данышмаға сөз чатмаз.
Ҝөз ҝөрмәкдән дојмаз,Гулаг ешитмәкдән.
9 Нә олубса, јенә олаҹаг;Нә едилибсә, јенә едиләҹәк;Ҝүнәш алтында јени һеч нә јохдур.+
10 Мәҝәр елә бир шеј вар ки, дејәсән: «Бах, бу, јени бир шејдир»?
О да чохдан вар имиш,Зәманәмиздән әввәл мөвҹуд имиш.
11 Кечмишдәки инсанлар хатырланмыр.Сонрадан ҝәләнләр дә елә олаҹаг,Онлар да даһа сонра ҝәләнләр тәрәфиндән хатырланмајаҹаг.+
12 Мән ваиз Јерусәлимдә Исраилин падшаһыјам.+
13 Сәма алтында+ едилән һәр шеји — Аллаһын бәшәр өвладларына мәшғул олмаг үчүн вердији мискин ишләри өјрәниб һикмәтлә+ арашдырмаг истәдим.
14 Ҝүнәш алтында едилән бүтүн ишләри сејр етдим,Ҝөрдүм ки, һәр шеј пучдур, күләк далынҹа гачмаға бәнзәјир.+
15 Әјрини дүзәлтмәк олмаз,Олмајан шеји сајмаг олмаз.
16 Үрәјимдә дедим: «Бах! Мән бөјүк һикмәт газандым, мәндән габаг Јерусәлимдә јашајанлардан гат-гат чох һикмәтә јијәләндим.+ Үрәјим бөјүк һикмәт, елм газанды».+
17 Үрәјими һикмәтин, дәлилијин, ахмаглығын нә олдуғуну өјрәнмәјә вердим.+ Бу да күләк далынҹа гачмаға бәнзәјир.
18 Һикмәт чохаланда кәдәр дә чохалыр,Елмини артыран дәрдини артырыр.+
Һашијәләр
^ Ибр. гоһелет. Мәнасы: јығынҹаг чағыран.
