Ваиз 11:1—10
11 Чөрәјини суја бурах,+ ҝүнләр кечәр, ону јенидән тапарсан.+
2 Ондан једди, лап сәккиз нәфәрә пај вер,+ чүнки билмирсән јер үзүнә һансы фәлакәт ҝәләҹәк.
3 Булудлар су илә доланда јерә јағыш төкүр; ағаҹ истәр ҹәнуб, истәр шимал тәрәфә јыхылсын, орадаҹа галыр.
4 Күләјә бахан тохум сәпмәз, булуда бахан бичин бичмәз.+
5 Ана бәтниндәки ушағын сүмүкләриндә руһун неҹә ишләдијини билмәдијин кими,+ һәр шеји едән Аллаһын да ишини билмирсән.+
6 Тохумуну сәһәр чағы сәп, ахшама гәдәр гој әлин бош дурмасын,+ чүнки билмирсән әввәлки ҹүҹәрәҹәк, сонракы ҹүҹәрәҹәк, јохса һәр икиси.
7 Ишыг ҝөзәлдир, ҝөзләр үчүн ҝүнәши ҝөрмәк хошдур.
8 Инсан узун өмүр сүрүрсә, гој өмрүнүн бүтүн илләриндән һәзз алсын.+ Амма унутмасын ки, гара ҝүнләри дә чох олаҹаг. Нә олаҹагса, пучдур.+
9 Севин, еј ҹаван, нә гәдәр ки ҹавансан! Гој ҹаванлыг ҝүнләриндә үрәјин шад олсун! Көнлүнүн истәдији, ҝөзүнүн ҝөрдүјү јолла ҝет. Амма бил ки, Аллаһ бүтүн бунлара ҝөрә сәндән һагг-һесаб истәјәҹәк.+
10 Одур ки, зәрәрли шејләри үрәјиндән чыхарт, шәри ҹисминдән узаглашдыр. Ҹаванлыг да, өмрүн баһар чағы да пучдур.+