Дәнјал 1:1—21
1 Јәһуда падшаһы Јәһјакимин+ һакимијјәтинин үчүнҹү илиндә Бабил падшаһы Навуходоносор Јерусәлимә һүҹум едиб ораны мүһасирәјә алды.+
2 Јеһова Јәһуда падшаһы Јәһјакими вә Аллаһын евинин әшјаларыны она тәслим етди.+ О, әшјалары Шинар* дијарына,+ өз аллаһынын евинә ҝәтирди вә аллаһынын хәзинәсинә гојду.+
3 Падшаһ баш сарај мәмуру Ашпәназа әмр етди ки, исраиллиләрин ичиндән, падшаһ вә задәҝан нәслиндән олан адамлар ҝәтирсин.+
4 Онлар ејибсиз, јарашыглы, ағыллы-камаллы, биликли, дәрракәли ҝәнҹләр* олмалы, падшаһ сарајында хидмәт етмәјә јарарлы олмалы идиләр.+ О, онлара кәлданиләрин дилини вә јазысыны өјрәтмәли иди.
5 Һәмчинин падшаһ бујурду ки, онларын ҝүндәлик јемәк пајы падшаһ тәамларындан вә шәрабындан верилсин. Онлар үч ил тәлим кечмәли*, сонра падшаһын хидмәтиндә дурмалы идиләр.
6 Онларын арасында Јәһуда гәбиләсиндән Дәнјал*+, Һәнанијјә*, Мүсаил* вә Әзрија*+ вар иди.
7 Баш мәмур онлара тәзә ад верди. Дәнјала Бәлтишәззар+, Һәнанијјәјә Сәдраһ, Мүсаилә Мисаһ, Әзријаја Абиднағу+ адыны верди.
8 Дәнјал үрәјиндә гәт етди ки, өзүнү падшаһ тәамлары вә шәрабы илә мурдарламасын. Беләҹә, бу шејләрлә өзүнү мурдарламамаг үчүн баш мәмурдан иҹазә истәди.
9 Аллаһын һөкмү илә баш мәмур Дәнјала хејирхаһлыг вә лүтф ҝөстәрди.+
10 Анҹаг баш мәмур Дәнјала деди: «Сизә јемәк, ичмәк пајыны тәјин едән ағам падшаһдан горхурам. Падшаһ сизин чөһрәнизи јашыдларынызын чөһрәсиндән солғун ҝөрсә, неҹә олаҹаг? Ахы мәни падшаһын габағында ҝүнаһ саһиби едәрсиниз».
11 Онда Дәнјал баш мәмурун Дәнјал, Һәнанијјә, Мүсаил вә Әзријанын үзәриндә тәјин етдији нәзарәтчијә деди:
12 «Хаһиш едирәм, он ҝүн әрзиндә биз гулларыны јохлајасан. Гој бизә јемәјә тәрәвәз, ичмәјә су версинләр.
13 Сонра һәм бизим, һәм дә падшаһ тәамларындан јејән ҝәнҹләрин ҝөркәминә бах вә гулларынла ҝөрдүјүнә әсасән давран».
14 О, онларын тәклифини гәбул етди вә он ҝүн әрзиндә онлары јохлады.
15 Он ҝүнүн тамамында онлар падшаһ тәамларындан јејән ҝәнҹләрин һамысындан даһа јахшы, даһа сағлам* ҝөрүнүрдүләр.
16 Буна ҝөрә, нәзарәтчи онлара бундан сонра да падшаһ тәамлары вә шәрабы јеринә тәрәвәз верди.
17 Аллаһ бу дөрд ҝәнҹә елм бәхш етди, онлара һәр јазыны, һәр һикмәти анламаг габилијјәти верди. Дәнјала исә һәр вәһји вә јухуну јозмаг баҹарығы верди.+
18 Падшаһын тәјин етдији вахт+ јетишәндә баш мәмур ҝәнҹләри Навуходоносорун һүзуруна ҝәтирди.
19 Падшаһ онларла данышды вә араларында Дәнјал, Һәнанијјә, Мүсаил вә Әзријаја чатан олмады.+ Онлар падшаһын гуллуғунда галдылар.
20 Падшаһ онлардан һикмәт вә идрак тәләб едән мәсәләләрлә бағлы нә сорушурдуса, ҝөрүрдү ки, онлар бүтүн сәлтәнәтдәки каһинләрин вә руһчағыранларын+ һамысындан онгат үстүндүрләр.
21 Дәнјал шаһ Курушун*+ һакимијјәтинин биринҹи илинә кими орада галды.
Һашијәләр
^ Бабилистан.
^ Һәрфән: ушаглар.
^ Диҝәр вариант: бәсләнмәли.
^ Мәнасы: һакимим Аллаһдыр.
^ Мәнасы: Јеһова көмәк олду.
^ Тәхмини мәнасы: Аллаһа тај кимдир?
^ Мәнасы: Јеһова лүтф ҝөстәрди.
^ Һәрфән: көк.
^ Кир.
