Зәбур 105:1—45
105 Јеһоваја шүкүр един, адыны чағырын,Халглар арасында ишләрини бәјан един.
2 Шәнинә нәғмә дејин, Ону нәғмәләрдә тәрәннүм един,Һејрәтамиз ишләри барәдә дәриндән дүшүнүн*.
3 Мүгәддәс ады илә фәхр един.
Гој Јеһованы ахтаранларын үрәји шад олсун!
4 Јеһованы ахтарын, Ондан ҝүҹ диләјин.
Даим Онун ҹамалыны ахтарын.
5 Мөһтәшәм ишләрини,Мөҹүзәләрини, ағзындан чыхан һөкмләри хатырлајын,
6 Еј гулу Ибраһимин нәсли,Еј Јагубун оғуллары, сечдији бәндәләр!
7 О, Аллаһымыз Јеһовадыр,
Һөкмләри бүтүн дүнјада иҹра олунур.
8 О, әһдини әбәдијјәт боју,Вәдини мин нәслә гәдәр хатырлар.
9 Ибраһимлә бағладығы әһди,Исһага ичдији анды унутмаз.
10 Буну Јагуб үчүн фәрман,Исраил үчүн һәмишәлик бир әһд етди.
11 Деди: «Кәнан торпағыныСәнә мирас верәҹәјәм».
12 О вахт онлар сајҹа аз идиләр,Бәли, чох аз идиләр, орада гәриб кими јашајырдылар.
13 Елдән-елә долашыр,Мәмләкәтдән мәмләкәтә көчүрдүләр.
14 Һеч кими гојмады ки, онлары инҹитсин,Онлардан өтрү падшаһлары тәнбеһ етди.
15 «Мәсһ етдикләримә дәјмәјин,Пејғәмбәрләримә пислик етмәјин!» — деди.
16 Өлкәјә гытлыг ҝөндәрди,Әрзаг тәдарүкүнү кәсди.
17 Онларын габағынҹа бир нәфәри,Көләлијә сатылмыш Јусифи ҝөндәрди.
18 Онун ајагларыны зәнҹирләдиләр,Бојнуна дәмир һалга тахдылар*,
19 Јеһованын сөзү ҝерчәкләшәнә гәдәр.Аллаһын сөзү ону сафлашдырды.
20 Падшаһ ону азад етмәк үчүн,Бәли, халгларын һөкмдары ону зиндандан чыхармаг үчүн адам ҝөндәрди.
21 Ону ев әһли үзәриндә аға гојду,Варидатыны онун ихтијарына верди ки,
22 Наибләри үзәриндә сәлаһијјәти олсун,Ағсаггалларына һикмәт өјрәтсин.
23 Сонра Исраил Мисирә ҝәлди,Јагуб Һам өлкәсиндә гәриб кими јашады.
24 Аллаһ халгыны орада бәһрәли етди,Ону дүшмәнләриндән ҝүҹлү етди.
25 Дүшмәнләринин үрәјиндә халгына гаршы нифрәт ојатды ки,Гулларына гаршы гәсд гурсунлар.
26 О, гулу Мусаны,Сечдији Һаруну ҝөндәрди.
27 Онлар мисирлиләр арасында Аллаһдан әламәтләр,Һам өлкәсиндә Онун мөҹүзәләрини ҝөстәрдиләр.
28 Аллаһ гаранлыг ҝөндәрди, өлкәјә зүлмәт чөкдү.Онлар Онун сөзүндән чыхмадылар.
29 О, өлкәнин суларыны гана дөндәрди,Балыгларыны тәләф етди.
30 Бүтүн өлкәјә гурбағалар долушду,Падшаһларын отагларына гәдәр.
31 О әмр етди мозаланлар ҝәлсин,Мығмығалар бүтүн әразиләри бүрүсүн.
32 Јағыш јеринә долу јағдырды,Торпагларына илдырым ҝөндәрди.
33 О, үзүм бағларыны, әнҹир ағаҹларыны мәһв етди,Өлкәнин бүтүн ағаҹларыны гырды.
34 Әмр етди чәјирткәләр ҝәлсин,Сајсыз-һесабсыз бала чәјирткәләр ахышсын.
35 Онлар өлкәдәки бүтүн биткиләри,Торпағын бар-бәһәрини једиләр.
36 О, өлкәдәки бүтүн илкинләри,Белләриндән ҝәлән илкинләри* өлдүрдү.
37 Халгыны гызыл-ҝүмүшлә орадан чыхартды,Гәбиләләри арасында бүдрәјән олмады.
38 Онлар чыханда Мисир севинирди,Чүнки Исраил хофу онлары бүрүмүшдү.
39 Худавәнд булуддан сәдд чәкди,
Ҝеҹәни ишыгландырмаг үчүн алов ҝөндәрди.
40 Онлар әт истәјәндә билдирчин ҝөндәрди,Онлары сәмави чөрәклә дојурду.
41 Гајаны јарды, су фышгырды,Сәһрада чај кими ахды.
42 Чүнки гулу Ибраһимә вердији мүгәддәс вәдини унутмамышды.
43 О, халгыны фәрәһ ичиндә,Сечилмишләрини севинҹ сәдалары илә азад етди.
44 Онлара халгларын торпагларыны верди;Јаделлиләр зәһмәт чәкди, бәһрәси онлара галды,
45 Белә ки, Онун фәрманларына әмәл етсинләр,Ганунларына бағлы галсынлар.
Јаһа алгыш един!
Һашијәләр
^ Диҝәр вариант: барәдә данышын.
^ Јахуд ҹаны дәмирин ичинә салынды.
^ Һәрфән: кишилик ҝүҹләринин нүбарыны.
