Зәбур 115:1—18
-
Јалныз Јеһова шәрәфә лајигдир
-
Өлүләр Јаһа алгыш етмәзләр (17)
-
115 Бизи јох, еј Јеһова, бизи јох,Өз адыны шәрәфләндир,Мәһәббәтинә, вәфадарлығына ҝөрә.
2 Нијә халглар:
«Һаны онларын Аллаһы?» — десин.
3 Аллаһымыз ҝөјләрдәдир,Истәдији һәр шеји едир.
4 Амма онларын бүтләри гызылдыр, ҝүмүшдүр,Инсан әлинин ишидир.
5 Ағызлары вар, даныша билмир,Ҝөзләри вар, ҝөрә билмир,
6 Гулаглары вар, ешидә билмир,Бурунлары вар, гоху билмир,
7 Әлләри вар, һисс етмир,Ајаглары вар, јеријә билмир,Боғазларындан сәс чыхмыр.
8 Онлары дүзәлдәнләр дә,Онлара ҝүвәнәнләр дә онлар кими олаҹаг.
9 Еј Исраил, Јеһоваја ҝүвән,Одур сәнин көмәјин, Одур галханын.
10 Еј Һарун еви, Јеһоваја бел бағла,Одур көмәјиниз, Одур галханыныз.
11 Еј Јеһовадан горханлар, Јеһоваја ҝүвәнин,Одур көмәјиниз, Одур галханыныз.
12 Биз Јеһованын хатириндәјик, О, бизә хејир-бәрәкәт верәҹәк,Исраил евинә хејир-бәрәкәт верәҹәк,Һарун евинә хејир-бәрәкәт верәҹәк.
13 Јеһова Ондан горханлара,Кичијә дә, бөјүјә дә хејир-бәрәкәт верәҹәк.
14 Јеһова сизи,Сизи вә оғулларынызы чохалдаҹаг.
15 Гој јери-ҝөјү јарадан ЈеһованынХејир-дуасы үзәриниздә олсун.
16 Ҝөјләр Јеһованындыр,Јери исә бәшәр оғулларына вериб.
17 Өлүләр, сүкут дијарына дүшәнләрЈаһа алгыш етмәзләр.
18 Биз исә Јаһа шүкүр едәрик,Индидән сонсузадәк.
Јаһа алгыш един!
