Зәбур 12:1—8
-
Јеһова ајаға галхыр
-
Аллаһын сөзләри сафдыр (6)
-
Дирижора. Шеминит* үстүндә. Давудун мәзмуру.
12 Еј Јеһова, мәни гуртар, чүнки садиг адам галмајыб,Вәфалы адам бәшәр оғуллары арасындан јоха чыхыб.
2 Һамы бир-биринә јалан сатыр,Дил төкүб јалтагланыр, ријакарлыгла* данышыр.
3 Јеһова јалан дили гопарсын,Јекәхана данышан ағзы јумсун;
4 Дејирләр: «Дилимизлә үстүн ҝәләрик,
Ағыз бизим, дил бизим,Ким бизә ағалыг едә биләр?»
5 Јеһова дејир: «Будур, ајаға галхырам,Чүнки мәзлумлар сыхышдырылыр,Јохсуллар аһ-налә едир,
Онлары һәгарәт едәнләрдән горујаҹағам».
6 Јеһованын сөзләри сафдыр,Ҝил күрәдә* әридилмиш, једди дәфә сафлашдырылмыш ҝүмүшә бәнзәр.
7 Еј Јеһова, Сән Өзүн онлары горујаҹагсан,Һәр бирини бу нәсилдән әбәдилик һифз едәҹәксән.
8 Шәр адамлар асудә ҝәзир,Чүнки бәшәр оғуллары азғынлығы тәрәннүм едир.
