Зәбур 132:1—18
Мәзмур. Шәһәрә галхаркән*.
132 Еј Јеһова, Давуду,Онун бүтүн әзабларыны јада сал,
2 Јада сал, еј Јеһова, Сәнә неҹә анд ичмишди,Јагубун гүдрәтли Аллаһына әһд етмишди:
3 «Евимә, чадырыма ҝирмәрәм,
Јатағыма, дөшәјимә галхмарам,
4 Јухуну ҝөзләримдән говарам,Кирпик гырпмарам,
5 Јеһова үчүн бир мәкан,Јагубун гүдрәтли Аллаһына әзәмәтли мәскән тапана гәдәр».
6 Бах! Әфратда онун барәсиндә ешитдик,Ону мешәликдә тапдыг.
7 Ҝәлин Аллаһын мәскәнинә ҝедәк,Ајаг кәтили өнүндә сәҹдә едәк.
8 Галх, еј Јеһова,Гүдрәтинин рәмзи олан сандығынла мәскәнинә ҝир.
9 Каһинләрин салеһлији ҝејинсин,Садиг бәндәләрин севиниб-шадлансын.
10 Гулун Давудун хатиринәМәсһ етдијини рәдд етмә.
11 Јеһова Давуда анд ичиб,Һеч вәҹһлә сөзүндән дөнмәз:
«Сәнин нәслиндән ҝәләниТахтында әјләшдирәҹәјәм.
12 Әҝәр оғулларын әһдимә,Верәҹәјим өјүдләрә садиг галарса,Онларын оғуллары да әбәдијјәнСәнин тахтында отураҹаг».
13 Чүнки Јеһова Сиону сечди,Истәди ки, ора мәскәни олсун:
14 «Бура Мәним әбәди мәскәнимдир,Бурада јашајаҹағам, истәјим будур.
15 Бу јерә рузи-бәрәкәт јағдыраҹағам,Јохсулларыны чөрәклә дојураҹағам.
16 Каһинләринә гуртулушдан либас ҝејиндирәҹәјәм,Бу јерин садиг бәндәләри севиниб-шадланаҹаг.
17 Бурада Давудун ҝүҹүнү артыраҹағам*.
Мәсһ етдијим үчүн чыраг һазырламышам.
18 Дүшмәнләрини рүсвајчылыға бүрүјәҹәјәм,Онунса таҹы парлајаҹаг».
