Зәбур 135:1—21
135 Јаһа алгыш един!
Јеһованын адына алгыш един!Јеһоваја алгыш един, еј Онун гуллары,
2 Еј Јеһованын евиндә,Аллаһымызын евинин һәјәтләриндә дуранлар.
3 Јаһа алгыш един, чүнки Јеһова кәрамәтлидир,
Адыны нәғмәләрдә тәрәннүм един, чүнки бу, хошдур.
4 Јаһ Јагубу Өзү үчүн сечиб,Исраил Онун хүсуси мүлкүдүр.
5 Јеһова уҹадыр, буну билирәм,Рәббимиз бүтүн аллаһлардан јухарыдыр.
6 Ҝөјдә вә јердә, дәнизләрдә, бүтүн үмманлардаЈеһова истәдији һәр шеји едир.
7 О, јерин уҹгарларындан булуд галдырыр,Јағыш үчүн шимшәк чахдырыр*,Анбарларындан күләк чыхарыр.
8 О, Мисирин илкинләрини вурду,Һәм инсаны, һәм һејваны.
9 Еј Мисир, сәнин торпагларында фиронла нөкәр-наибинин үзәринәӘламәтләр, мөҹүзәләр ҝөндәрди.
10 О, нечә-нечә халгы гырды,Гүдрәтли падшаһлары мәһв етди,
11 Амориләрин падшаһы Сиһуну,Башан падшаһы Огу,Бүтүн Кәнан падшаһлыгларыны мәғлуб етди.
12 Онларын торпағыны мирас верди,Халгы Исраилә мирас верди.
13 Еј Јеһова, Сәнин адын әбәдидир,
Еј Јеһова, шан-шөһрәтин нәсилдән-нәслә кечир.
14 Јеһова халгыны мүдафиә едәр,Бәндәләринә шәфгәт ҝөстәрәр.
15 Халгларын бүтләри гызылдыр, ҝүмүшдүр,Инсан әлинин ишидир.
16 Ағызлары вар, даныша билмир,Ҝөзләри вар, ҝөрә билмир,
17 Гулаглары вар, ешидә билмир,
Ағызларында нәфәс јохдур.
18 Онлары дүзәлдәнләр дә,Онлара ҝүвәнәнләр дә онлар кими олаҹаг.
19 Еј Исраил еви, Јеһоваја алгыш един,
Еј Һарун еви, Јеһоваја алгыш един,
20 Еј Лави еви, Јеһоваја алгыш един,
Еј Јеһовадан горханлар, Јеһоваја алгыш един!
21 Јерусәлимдә мәскән салмыш ЈеһовајаСиондан мәдһләр уҹалсын.
Јаһа алгыш един!
Һашијәләр
^ Диҝәр вариант: јағыш үчүн гапылар дүзәлдир.
