Зәбур 143:1—12
Давудун мәзмуру.
143 Еј Јеһова, дуамы ешит,Јалварышымы динлә,
Сәдагәтинлә, әдаләтинлә мәнә һај вер.
2 Гулуну мәһкәмәјә чәкмә,Ахы Сәнин өнүндә һеч ким һаглы чыха билмәз.
3 Дүшмән мәни тәгиб едир,Мәни јерә вуруб тапдалады,
Мәни чохдан өлүб ҝедәнләр кими зүлмәтдә мәскун етди.
4 Руһдан дүшмүшәм,Көксүмдә үрәјим кејијиб.
5 Өтән ҝүнләри јада салырам,Бүтүн ишләрин барәдә фикирләширәм,Әлләринин ишинә диггәт верирәм.
6 Әлләрими Сәнә ачмышам,Ҹаным гураг торпаг кими Сәнин үчүн тәшнәдир. (Селаһ)
7 Нә олар, мәнә тез һај вер, еј Јеһова,Тагәтим түкәниб.
Мәндән үз дөндәрмә,Јохса гәбрә енәнләрә бәнзәрәм.
8 Гој сәһәрләр мәһәббәтини дујум,Чүнки Сәнә ҝүвәнирәм.
Мәнә јол ҝөстәр, о јолла ҝедим,Чүнки Сәнә үз тутмушам.
9 Мәни дүшмәнләримдән гуртар, еј Јеһова,
Сәнә пәнаһ ҝәтирмишәм.
10 Ирадәнә әмәл етмәји мәнә өјрәт,Ахы Аллаһым Сәнсән.
Сәнин руһун ҝөзәлдир,Гој мәни һамар јолла* апарсын.
11 Адын хатиринә мәни јашат, еј Јеһова,
Әдаләтинлә ҹанымы дардан гуртар.
12 Мәһәббәтинлә дүшмәнләрими јох ет,Мәнә зүлм едәнләри мәһв ет,Ахы мән Сәнин гулунам.
Һашијәләр
^ Јахуд доғрулуг дијарында.
