Зәбур 18:1—50
Дирижора. Јеһованын гулу Давудун мәзмуру. Јеһова Давуду бүтүн дүшмәнләринин вә Талутун әлиндән гуртаранда онун Јеһоваја охудуғу нәғмә.
18 Сәни севирәм, еј Јеһова, гүввәтим Сәнсән.
2 Јеһова јалчын гајам, истеһкамымдыр, мәним ниҹатымдыр.
Аллаһым гајамдыр, Она сығынырам,Галханым, ҝүҹлү хиласкарым*, галамдыр.
3 Јеһова тәрифә лајигдир, Ону чағырырам,Дүшмәнләримдән гуртуларам.
4 Өлүм ипләри мәнә доланмышды,Јарамаз адамларын басгыны* мәни дәһшәтә салмышды.
5 Мәзарын* ипләри мәнә сарылмышды,Чыхмышды гаршыма өлүм тәләләри.
6 Бу дарлыгда Јеһованы чағырдым,Имдад үчүн Аллаһыма јалвардым.
Ешитди сәсими мәбәдиндән,Чатды гулағына фәрјадым.
7 Јер үзү силкәләнди, јырғаланды,Дағларын тәмәли јериндән ојнады,Титрәди Онун гәзәбиндән.
8 Бурун пәрәләриндән түстү чыхды,Ағзындан шиддәтли алов пүскүрдү,Јанар көзләр сәпәләнди Ондан.
9 Ашағы енәндә ҝөјләр әјилди,Гаты зүлмәт ајаглары алтында иди.
10 Кәрруба миниб учараг ҝәлди,
Мәләјин* ганады үзәриндә шығыды ашағы.
11 Гаранлығы Өзүнә өртүк етди,Чадыр кими әтрафыны бүрүмүшдүГара сулар, топа булудлар.
12 Өнүндә парлајан шәфәгдәнДолу вә көз чыхыб булудлары јарды кечди
13 Јеһова ҝөјләрдә ҝурлады,Һагг-Таала сәсини уҹалдандаДолу вә јанар көзләр төкүлдү.
14 Охларыны атыб дүшмәнләри дармадағын етди,Чахан шимшәкләри илә онлары чахнашмаја салды.
15 Еј Јеһова, Сәнин мәзәммәтиндән, бурнундан чыхан нәфәсин шиддәтиндәнСуларын диби ҝөрүндү,Јерин тәмәлләри ашкар олду.
16 О, јүксәкләрдән әлини узадыб мәни тутду,Дәрин сулардан мәни чәкиб чыхартды.
17 Мәни голузорлу дүшмәнимдән,Мәнимлә әдавәт апаранлардан гуртарды, онлар мәндән ҝүҹлү иди.
18 Дар ҝүнүмдә онлар гаршымы кәсмишди,Лакин Јеһова мәнә дајаг олду.
19 Мәни ҝенишлијә чыхартды,Мәни хилас етди, чүнки мәндән разы иди.
20 Јеһова салеһлијимә ҝөрә мәнә мүкафат верир,Пак олдуғуму ҝөрүб әвәзини верир.
21 Чүнки мән Јеһованын јолуну тутмушам,Аллаһымы хаинҹәсинә тәрк етмәмишәм.
22 Онун бүтүн һөкмләри ҝөзүмүн өнүндәдир,Ганунларына һөрмәтсизлик етмирәм.
23 Онун өнүндә пак галаҹағам,Гәбаһәт ишләрдән узаг ҝәзәҹәјәм.
24 Јеһова салеһлијимин,Өнүндә ҝүнаһсыз олмағымын әвәзини версин.
25 Садиг адамла садигсән,Пак адама гаршы паксан.
26 Саф адамла саф давранырсан,Һијләҝәрә гаршы фәнд ишләдирсән.
27 Мәзлумлары хилас едирсән,Мәғрурлары алчалдырсан.
28 Јеһова, чырағымы јандыран Сәнсән;Аллаһым ҝеҹәми ҝүндүз едир.
29 Сәнин көмәјинлә гулдурларын габағына чыхарам,Аллаһын ҝүҹү илә сәдләр ашарам.
30 Аллаһын јолу камилдир,Јеһованын сөзү сафдыр,
Худавәнд Она сығынанларын һамысына сипәрдир.
31 Мәҝәр Јеһовадан башга Аллаһ вар?
Аллаһымыздан савајы ким гаја ола биләр?
32 Белими гүввәтлә гуршајан Аллаһдыр,О, јолуму камил едәр.
33 Ајағымы марал ајағытәк чевик едир,Мәни зирвәләрдә сахлајыр.
34 Әлими дөјүшә өјрәдир,Голум мис каманы ҝәрир.
35 Сән гуртулуш галханыны мәнә верирсән,Сағ әлин мәнә дајаг олур,Лүтфүн мәни уҹалдыр.
36 Аддымларыма јол ачырсан,Ајагларым сүрүшмәз.
37 Дүшмәнләрими говуб јахалајаҹағам,Онлары јох етмәјинҹә ҝери гајытмајаҹағам.
38 Онлары гыраҹағам, галха билмәјәҹәкләр,Ајағымын алтына сәриләҹәкләр.
39 Дөјүш үчүн белими гүввәтлә гуршајарсан,Јағы дүшмәними ајағымын алтына сәрәрсән.
40 Дүшмәнләрими мәғлубијјәтә уғрадарсан.Мәнә нифрәт едәнләри јох едәрәм*.
41 Имдад диләсәләр дә, онлары гуртаран јохдур,Һәтта Јеһоваја јалварырлар, лакин О һај вермир.
42 Онлары әзиб күләјин совурдуғу тоз кими едәҹәјәм,Күчәдәки палчыг кими онлары туллајаҹағам.
43 Сән мәни елин тәнәсиндән гуртараҹагсан,
Халглара башчы гојаҹагсан,
Танымадығым бир халг мәнә гуллуг едәҹәк.
44 Сорағымы ешидиб мәнә итаәт едәҹәкләр,Јаделлиләр әсә-әсә өнүмә ҝәләҹәк.
45 О јаделлиләрин рәнҝи-руһу гачаҹаг,Ҝизләндикләри галалардан әсә-әсә чыхаҹаглар.
46 Шүкүрләр олсун Гајама, вар олан Јеһоваја,
Хиласкарым Аллаһа ешг олсун!
47 Аллаһ гисасымы алыр,Халглары мәнә табе едир.
48 О, мәни аҹыглы дүшмәнләримдән гуртарыр.Сән мәни үстүмә ҝәләнләрдән үстүн едирсән,Мәни залымын әлиндән алырсан.
49 Буна ҝөрә, еј Јеһова, Сәни халглар арасында уҹалдаҹағам,Адыны нәғмәләрдә тәрәннүм едәҹәјәм.
50 О, мөһтәшәм ишләрлә падшаһыны хилас едир,Мәсһ етдијинә, Давуда вә онун нәслинә*Әбәдилик мәһәббәт ҝөстәрир.
Һашијәләр
^ Һәрфән: хилас бујнузум.
^ Һәрфән: сели.
^ Јахуд күләјин.
^ Һәрфән: сусдурарам.
^ Һәрфән: тохумуна.
