Зәбур 20:1—9
-
Аллаһ мәсһ етдији падшаһы һифз етсин
-
Ҹәнҝ арабаларына, атлара јох, Аллаһын адына ҝүвәнирик (7)
-
Дирижора. Давудун мәзмуру.
20 Гој дар ҝүнүндә Јеһова сәнә һај версин,
Јагубун Аллаһынын ады сәни горусун.
2 Мүгәддәс мәкандан көмәјини ҝөндәрсин,Сиондан сәнә дајаг олсун.
3 Ҝәтирдијин бәхшишләрдән разы галсын,Јандырма гурбанларыны гәбул етсин. (Селаһ)
4 Сәнә үрәјинә ҝөрә версин,Бүтүн нијјәтләрин ҝерчәкләшсин.
5 О заман вердијин гуртулуша ҝөрә севиниб-ҹошарыг,Аллаһымызын ады илә бајрагларымызы галдырарыг.
Гој Јеһова сәнин бүтүн диләкләрини чин етсин.
6 Инди билирәм ки, Јеһова мәсһ етдијини хилас едир,
Сағ әли илә бөјүк гуртулуш верир,Мүгәддәс ҝөјләрдән она һај верир.
7 Кимиси ҹәнҝ арабаларына, кимиси атлара ҝүвәнир,Анҹаг биз Аллаһымыз Јеһованын адыны чағырырыг.
8 Онлар чөкдүләр, јерә сәрилдиләр,Анҹаг биз ајаға галхдыг, димдик дурдуг.
9 Еј Јеһова, падшаһы һифз ет!
Имдад диләдијимиз ҝүн бизә һај вер.
