Зәбур 21:1—13
Дирижора. Давудун мәзмуру.
21 Еј Јеһова, падшаһ Сәнин гүдрәтинлә севинир,О, Сәндән ҝәлән гуртулуша шадланыр.
2 Ону арзусуна чатдырдын,Ағзындан чыхан диләји рәдд етмәдин. (Селаһ)
3 Ону бол-бол немәтләрлә гаршылајырсан,Башына халис гызылдан таҹ гојурсан.
4 Сәндән узун өмүр диләди, вердин,Өмрүнү узатдын әбәдијјәтә гәдәр.
5 Вердијин ниҹат ону уҹалара галдырыр,
Она шан-шөһрәт, әзәмәт бәхш едирсән.
6 Әбәдилик немәтләр бағышламысан,Һүзурунун севинҹини она даддырырсан.
7 Чүнки падшаһ Јеһоваја архаланыр,Һагг-Тааланын мәһәббәти ону сарсылмаға гојмаз.
8 Әлин бүтүн дүшмәнләрини тапар,Јағылары сағ әлинлә тутарсан.
9 Сән үзүнү ҝөстәрәндә соба кими алышаҹаглар.
Јеһова гәзәби илә һамысыны удаҹаг, онлары алов мәһв едәҹәк.
10 Онларын нәслини* јер үзүндән силәҹәксән,Тохумуну бәшәр оғуллары арасындан јох едәҹәксән.
11 Сәнә пислик етмәјә чалышдылар,Тәдбир төкдүләр, әлләриндән бир шеј ҝәлмәди.
12 Сән јајы чәкиб онлары нишан аландаҜери дөнүб гачаҹаглар.
13 Еј Јеһова, галх, ҝөстәр ҝүҹүнү!
Гүдрәтини нәғмәләрдә тәрәннүм едәрик!
Һашијәләр
^ Һәрфән: бәһәрини.
