Зәбур 26:1—12
Давудун мәзмуру.
26 Еј Јеһова, камиллик јолунда јеријирәм, мәнә һагг газандыр,Јеһоваја етибарым сарсылмаздыр.
2 Мәни имтаһан ет, еј Јеһова, мәни сына,Үрәјими, ән дәрин дујғуларымы хәлбирдән кечир.
3 Мәһәббәтини һеч вахт унутмурам,Һагг јолунда јеријирәм.
4 Јаланчыларла отуруб-дурмурам,Ич үзүнү ҝизләдәнләрә гајнајыб-гарышмырам.
5 Јарамазларын мәҹлисиндән зәһләм ҝедир,Шәр иш ҝөрәнләрлә бирҝә әјләшмирәм.
6 Әлләрими ҝүнаһсызлыг ичиндә јујарам,Гурбанҝаһынын башына доланарам, еј Јеһова,
7 Шүкранларымы уҹадан сөјләјәрәм,Бүтүн харигәләрини бәјан едәрәм.
8 Јеһова, мәскән етдијин еви,Ҹалалынын сакин олдуғу јери севирәм.
9 Ҝүнаһкарларла бирҝә ҹанымы мәһв етмә,Зоракыларла бирҝә һәјатыма сон гојма.
10 Онларын әлиндә пислик* вар,Сағ әлләри рүшвәтлә долудур.
11 Мән исә камиллик јолундан дөнмәрәм,
Мәни хилас ет, мәнә лүтф ҝөстәр.
12 Ајағым дүз јердә дурур,Бөјүк мәҹлисдә Јеһоваја алгыш едәрәм.
Һашијәләр
^ Һәрфән: азғынлыг.
