Зәбур 27:1—14
Давудун мәзмуру.
27 Јеһова нурум, ниҹатымдыр,
Мәни ким горхуда биләр?
Јеһова өмрүмүн галасыдыр,
Ким мәни дәһшәтә сала биләр?
2 Бәдәмәлләр мәни парчаламаг үчүн үстүмә ҹумандаБүдрәдиләр, јыхылдылар бу јағылар, бу дүшмәнләр.
3 Мәнә гаршы бир орду дүшәрҝә салса да,Үрәјимә горху дүшмәз.
Мәнә гаршы дөјүш башласа да,Јенә архајынам.
4 Јеһовадан бир шеј диләдим,Арзум будур ки,Өмрүм боју Јеһованын евиндә галым,Јеһованын һүснүнү ҝөрүм,Мәбәдинә һејран-һејран тамаша едим.
5 Дар ҝүнүмдә мәни пәнаһында сахлар,Чадырында, хәлвәт јердә ҝизләдәр,Уҹа гаја башына галдырар.
6 Башым дөврәмдәки дүшмәнләрдән јухарыдыр,Онун чадырында шадјаналыгла гурбан ҝәтирәрәм,Јеһованы нәғмәләрдә тәрәннүм едәрәм.
7 Сәнә фәрјад едәндә мәни ешит, еј Јеһова,Мәнә лүтф ҝөстәр, мәнә һај вер.
8 «Ҹамалымы ахтарын»
Сөзләрини үрәјим сәсләндирди.
Ахтарарам ҹамалыны, еј Јеһова.
9 Үзүнү мәндән ҝизләтмә,
Гулуну гәзәблә говма.
Сәнсән көмәјим,Мәни атма, тәрк етмә, еј ниҹатымын Аллаһы.
10 Доғма атам, анам мәни атсалар белә,Јеһова гәбул едәр.
11 Еј Јеһова, мәнә јолуну өјрәт,Мәни дүшмәнләримдән горујуб дүз јолла апар,
12 Мәни дүшмәнләримин әлинә салма.Мәнә гаршы јаланчы шаһидләр галхыб,Мәнә һәдә-горху ҝәлирләр.
13 Ишыглы дүнјада* Јеһованын кәрамәтини ҝөрәҹәјимә инанмасајдым,Һалым неҹә оларды!..*
14 Үмидини Јеһоваја бағла,Ҹәсур, мөһкәм ол.
Бәли, үмидини Јеһоваја бағла.
Һашијәләр
^ Һәрфән: дириләр өлкәсиндә.
^ Диҝәр вариант: шәксиз инанырам ки, дириләр өлкәсиндә Јеһованын кәрамәтини ҝөрәҹәјәм.
