Зәбур 29:1—11
Давудун мәзмуру.
29 Еј гүдрәтлиләрин оғуллары, Јеһоваја шәрәф верин,Әзәмәтинә, ҝүҹүнә ҝөрә Јеһоваја шәрәф верин.
2 Јеһоваја адына лајиг шәрәф верин,
Мүгәддәс либасларда* Јеһоваја сәҹдә гылын.
3 Јеһованын сәси сулар үзәриндә сәсләнир,Әзәмәтли Аллаһ ҝурлајыр.
Јеһова әнҝин сулар үзәриндәдир.
4 Јеһованын сәси ҝүҹлүдүр!Јеһованын сәси әзәмәтлидир!
5 Јеһованын сәси сидр ағаҹларыны сындырыр,Бәли, Јеһова Ливан сидрләрини хынҹым-хынҹым едир.
6 О, Ливаны бузов кими сычрадар,Ширјуну вәһши өкүз баласы кими ојнадар.
7 Јеһованын сәси алов сачар,
8 Јеһованын сәсиндән чөл титрәјәр,Јеһова Гәдис чөлүнү силкәләјәр.
9 Јеһованын сәсиндән мараллар доғар,Мешәләр чылпаг галар,
Мәбәдиндә һәр кәс Она: «Ешг олсун!» — дејәр.
10 Јеһова сел-сулар үзәриндә тахтда отуруб,Јеһова падшаһ кими тахтында әбәди отуруб.
11 Јеһова халгына ҝүҹ-гүввәт верәр,
Јеһова халгына әмин-аманлыг бәхш едәр.
Һашијәләр
^ Диҝәр вариант: мүгәддәслијинин еһтишамына ҝөрә.
