Зәбур 36:1—12
Дирижора. Јеһованын гулу Давудун мәзмуру.
36 Пис адамын үрәјинин дәринлијиндә ҝүнаһ пычылдајыр,О, Аллаһ горхусу билмир.
2 Өзүндән елә разыдыр ки,Нә ҝүнаһыны ҝөрүр, нә ондан икраһ едир.
3 Дилиндән фитнә-фәсад дүшмүр,Јахшы иш ҝөрмәјә дүшүнҹәси чатмыр.
4 Јатағында белә, фитнә гурур,
Әјри јолда дајаныр,Шәри өзүндән говмур.
5 Еј Јеһова, Сәнин мәһәббәтин ҝөјләрә чатыр,Сәдагәтин булудлара дирәнир.
6 Әдаләтин вүгарлы дағлар кимидир,Һөкмләрин әнҝин сулара бәнзәр.
Еј Јеһова, инсаны да, һејваны да Сәнсән горујан.
7 Пәрвәрдиҝара, мәһәббәтин* неҹә дә әзиздир!
Бәшәр оғуллары ганадларынынКөлҝәсинә сығынар.
8 Евинин немәтләрини бол-бол дадырлар,Ҝур ахан зөвг-сәфа суларыны ичирдирсән онлара.
9 Һәјат мәнбәји Сәнсән,Сәнин нурунла ҝөрүрүк биз нур.
10 Сәни таныјанлардан мәһәббәтини,Үрәјидүз адамлардан әдаләтини әсирҝәмә.
11 Гојма тәкәббүрлү адам үстүмә ајаг алсын,Шәр адам мәни јурд-јувамдан етсин.
12 Бах, ҝүнаһкарлар јыхылды,Јерә сәрилди, ајаға дура билмирләр.
Һашијәләр
^ Ибр. хесед. Лүғәтдә «хесед» сөзүнә бах.
