Зәбур 40:1—17
Дирижора. Давудун мәзмуру.
40 Јеһоваја үмид бағламышдым,Гулағыны мәнә сары әјди, фәрјадымы ешитди.
2 Мәни уғултулу дәрәдән,Лил-батаглыгдан чәкиб чыхартды.
Ајағымы гаја үзәринә гојду,Ајағымын алтыны бәркитди.
3 Дилимә јени нәғмә,Аллаһымыза мәдһ нәғмәси гојду.
Чохлары ҝөрүб горхаҹаг,Јеһоваја бел бағлајаҹаг.
4 Нә хошбәхтдир Јеһоваја архаланан,Асиләрә, јаланчылара үз тутмајан адам!
5 Еј Аллаһым Јеһова,Ҝөрдүјүн ишләр саја ҝәлмәз,Мөҹүзәләрин, бизимлә бағлы фикирләрин нә чохдур!
Онлардан данышмаға башласам,Сајыб гуртара билмәрәм.Сәнин мислин-бәрабәрин јохдур.
6 Сән гурбан вә тәгдимә истәмәдин;Мәним гулагларымы ачдын.
Јандырма гурбаны, ҝүнаһ гурбаны истәмәдин.
7 О заман дедим: «Будур, ҝәлмишәм,
Тумарда мәним һаггымда јазылыб.
8 Еј Аллаһым, истәјини јеринә јетирмәкдән һәзз алырам,Ганунун гәлбимдәдир.
9 Бөјүк мәҹлисдә салеһлик мүждәсини бәјан едирәм,
Сусмурам,Еј Јеһова, бундан аҝаһсан.
10 Сәнин әдаләтини үрәјимдә ҝизләтмирәм,
Сәдагәтини, вердијин гуртулушу бәјан едирәм,
Бөјүк мәҹлисдә мәһәббәтиндән, һәгигәтиндән данышырам, ҝизләтмирәм».
11 Еј Јеһова, мәрһәмәтини мәндән әсирҝәмә,
Гој мәһәббәтин, һәгигәтин даим мәни горусун.
12 Бәлалар мәни әһатәјә алыб, сајы-һесабы јохдур,
Тәгсирләрим башымдан ашыр, јолуму ҝөрә билмирәм,Башымын түкүндән дә чохдур онлар.Көнлүм пәришандыр.
13 Аман, Јеһова, гуртар мәни,
Јеһова, тез ҝәл, дадыма јетиш.
14 Гој ҹанымын гәсдинә дуранларын һамысыРүсвај олсун, рәзил олсун,
Гој фәлакәтимә севинәнләрБиабыр олуб ҝери чәкилсин.
15 «Охај, әҹәб олду!» — дејәнләр
Хәҹаләтдән чашбаш галсын.
16 Гој Сәни ахтаранларСәндә севинҹ тапсын, фәрәһләнсин.
Сәндән ниҹат ҝөзләјәнләр дурмадан:
«Гој Јеһова уҹалсын!» — десин.
17 Көмәксизәм, фәгирәм,Јеһова Өзү мәнә нәзәр салсын.
Сәнсән имдадым, хиласкарым,Нә олар, еј Аллаһым, ләнҝимә.
