Зәбур 42:1—11
Дирижора. Гарун оғуллары үчүн Маскил*.
42 Марал ахар сулара һәсрәт галдығы кими,Көнлүм Сәнин һәсрәтиндәдир, Пәрвәрдиҝара.
2 Гәлбим Аллаһын, вар олан Аллаһын һәсрәтиндәдир.
Нә вахт ҝедиб Аллаһын һүзурунда дураҹағам, билмирәм.
3 Ҝөз јашларым мәнә гида олуб ҝеҹә-ҝүндүз,Ҹамаатса бүтүн ҝүнү: «Һаны сәнин Аллаһын?» — дејир.
4 Өтән ҝүнләри хатырладыгҹа үрәјим сызылдајыр.Вахт вар иди издиһамла бир аддымлајырдым,Бајрам едән ҹамаатынСевинҹ, шүкран сәсләри уҹаларкәнОнларын өнүндә Аллаһын евинә ҝедирдим.
5 Нијә гырылмысан, еј көнлүм?
Нијә көксүмдә чырпынырсан?
Сән Аллаһы ҝөзлә,Чүнки мән һәлә Аллаһымы, улу Хиласкарымы уҹалдаҹағам.
6 Еј Аллаһым, көксүмдә гәлбим гырылыб.
Буна ҝөрә Иордан торпағында, Һәрмун зирвәләриндә,Мизар дағындаЈада салырам Сәни.
7 Шәлаләләринин сәсини ешидибҮмман үмманы сәсләјир.
Далғаланан суларын ашыб үстүмдән кечир.
8 Ҝүндүзләр Јеһова мәһәббәтини ҝөстәрәр,Нәғмәси дилимдән дүшмәз ҝеҹәләр, һәјатымын Аллаһына о дуалар.
9 Аллаһыма, јалчын гајама дејәрәм:
«Нијә мәни унутмусан?
Нијә дүшмәнләримин зүлмүнә ҝөрә гәмли ҝәзим?»
10 Дүшмәнләрим нифрәтлә* истеһза едир,Бүтүн ҝүнү: «Һаны сәнин Аллаһын?» — дејә ришхәнд едирләр.
11 Нијә гырылмысан, еј көнлүм?
Нијә көксүмдә чырпынырсан?
Сән Аллаһы ҝөзлә,Чүнки мән һәлә Аллаһымы, улу Хиласкарымы уҹалдаҹағам.
