Зәбур 45:1—17
Дирижора. «Занбаглар»* үчүн. Гарун оғулларынын мәзмуру. Маскил*. Мәһәббәт нәғмәси.
45 Ҝөзәл бир сөзлә чағлајыр гәлбим,
Дејирәм: «Бу нәғмәм падшаһ һагдадыр».
Дилим маһир бир хәттатын гәләми кими олсун.
2 Сән бәшәр оғулларынын ән ҝөзәлисән,
Ағзындан ләтафәтли сөзләр төкүлүр.
Буна ҝөрә Аллаһ сәнә әбәди немәтләр верәҹәк.
3 Еј иҝид! Әзәмәтинлә, ҹалалынлаГылынҹыны белинә тах.
4 Һәгигәт, тәвазөкарлыг, салеһлик наминәАтына мин, гәләбәјә доғру чап әзәмәтинлә!Сағ әлин һејбәтли ишләр ҝөрәҹәк.
5 Охларын нә итидир! Халглары габағында јерә сәрир,Падшаһын дүшмәнләринин көксүнә сапланыр.
6 Тахтынын тәмәли Аллаһдыр*, әбәдијјән, сонсузадәк,Падшаһлыг әсан әдаләт әсасыдыр.
7 Салеһлији севир, пислијә нифрәт едирсән,
Буна ҝөрә Аллаһ, сәнин Аллаһын сәни јолдашларындан даһа чох шадлыг јағы илә мәсһ етди.
8 Бүтүн либасларын мүрр, әзвај, дарчын әтри гохур,Ширмајы илә бәзәнмиш мөһтәшәм сарајында телли аләтләрин авазы сәни хошһал едир.
9 Мөтәбәр ханымларынын арасында падшаһ гызлары вар,
Офир гызылы илә бәзәнмиш мәликә сағ јанында дурур.
10 Гулаг ас, гызым, диггәт вер, ҝөр нә дејирәм,Халгыны, ата евини унут.
11 Гој падшаһ сәнин ҝөзәллијинә мәфтун олсун,Бил ки, о, сәнин ағандыр,Она тәзим ет.
12 Сур гызы әлиндә совгат ҝәләҹәк.Варлы-дөвләтлиләр сәндән илтифат диләјәҹәк.
13 Падшаһ гызы евдәдир, ҹаһ-ҹалал ичиндә,Зәр нахышлы либасындадыр.
14 Нәфис* либасында падшаһын гаршысына чыхарылаҹаг.
Рәфигәләри, ардынҹа ҝедән гызлар да сәнин һүзуруна ҝәтириләҹәк.
15 Онлар севинҹлә, шадјаналыгла ҝәтириләҹәк,Падшаһ сарајына ҝирәҹәкләр.
16 Ата-бабаларынын јерини оғулларын тутаҹаг,
Онлары бүтүн јер үзүндә әмир гојаҹагсан.
17 Адыны ҝәләҹәк нәсилләрә таныдаҹағам.
Халглар сәнә әбәдијјән, сонсузадәк алгыш дејәҹәк.
Һашијәләр
^ Мәнасы там мәлум дејил. Симли аләт, мусиги жанры, јахуд мелодија олдуғу еһтимал едилир.
^ Һәрфән: тахтын Аллаһдыр.
^ Диҝәр вариант: нахышлы.
