Зәбур 50:1—23
Асәфин мәзмуру.
50 Аллаһлар Аллаһы Јеһова данышыр,Ҝүндоғандан ҝүнбатанадәкБүтүн дүнјаны чағырыр.
2 Аллаһ Сиондан, ҝөзәллик зирвәсиндән парлајыр.
3 Аллаһымыз ҝәләҹәк, сусуб дурмајаҹаг.
Өнүндән јандырыб-јахан алов чыхыр,Дөврәсиндә шиддәтли фыртыналар гопур.
4 Халгыны мүһакимә етмәк үчүнЈухарыда ҝөјү, ашағыда јери сәсләјир:
5 «Гурбан ҝәтириб Мәнимлә әһд бағлајан кәсләри,Садиг бәндәләрими јаныма топлајын».
6 Ҝөјләр Онун әдаләтини бәјан едир,Чүнки Аллаһ Һакимдир. (Селаһ)
7 «Динлә, еј халгым, Мән данышаҹағам,Еј Исраил, сәнә гаршы шәһадәт верәҹәјәм.
Мәнәм Аллаһ, сәнин Аллаһын.
8 Сизи нә тәгдим етдијиниз гурбанлара ҝөрә,Нә дә даим һүзурума ҝәтирдијиниз јандырма гурбанларына ҝөрә тәнбеһ етмирәм.
9 Нә төвләниздән бир буғаја,Нә ағылларыныздан бир тәкәјә еһтијаҹым вар.
10 Чүнки бүтүн мешә һејванлары,Мин дағда јашајан һејванлар Мәнимдир.
11 Дағлардакы бүтүн гушлары бир-бир таныјырам,Чөлләрдәки сүрү-сүрү һејванлар Мәнимдир.
12 Аҹ олсајдым да, сизә демәздим,Чүнки торпаг, торпағын үстүндәки һәр шеј Мәнимдир.
13 Мәҝәр Мән буға әти јејирәм?Мәҝәр Мән тәкә ганы ичирәм?
14 Гој Аллаһа ҝәтирдијиниз гурбан шүкранлар олсун,Һагг-Таалаја етдијиниз нәзирләри јеринә јетирин.
15 Дар ҝүнүнүздә Мәни чағырын,
Сизи гуртарарам, сиз дә Мәни уҹалдарсыныз».
16 Шәр адамлара исә Аллаһ дејәҹәк:
«Нә һагла гајда-ганунумдан данышырсыныз,Әһдими дилинизә ҝәтирирсиниз?
17 Сиз ки өјүд-нәсиһәтә хор бахырсыныз,Сөзләрими гулагардына вурурсунуз.
18 Бир оғру ҝөрәндә әлини сыхырсыныз*,Зинакара јолдаш олурсунуз.
19 Дил-додағыныз анҹаг шәр јајыр,Дилиниздән һијлә әскик олмур.
20 Отуруб доғма гардашынызын әлејһинә данышырсыныз,Ананызын оғлунун ејибләрини ачырсыныз.
21 Сиз белә едәндә динмәдим,Елә билдиниз ки, Мән дә сизин кимијәм.
Хејр! Сизи тәнбеһ едәҹәјәм,Әмәлләринизи габағыныза дүзәҹәјәм.
22 Еј Аллаһы унуданлар, буну нәзәрә алын,Јохса сизи тикә-тикә едәрәм, гуртаран олмаз.
23 Шүкранлардан гурбан ҝәтирән, Мәни уҹалдыр.Һагг јолда мөһкәм дуранАллаһдан ниҹат ҝөрәр».
Һашијәләр
^ Диҝәр вариант: она гошулурсунуз.
