Зәбур 52:1—9
Дирижора. Маскил*. Давудун мәзмуру. Әдуми Дуәг Талутун јанына ҝедиб Давудун Әхимәликин евинә ҝәлдијини дејәндә.
52 Нә үчүн пислијинлә өјүнүрсән, еј голузорлу инсан?
Бил ки, Аллаһын мәһәббәти һеч вахт түкәнмәз.
2 Дилин үлҝүҹ кими итидир,Фитнә гурар, һијлә ишләдәр.
3 Јахшылыгдан чох јаманы,Һәгигәтдән чох јаланы севдин. (Селаһ)
4 Еј һијләҝәр дил,Зәһәрли сөзләри севдин.
5 Аллаһ сәни әбәдилик јыхаҹаг,Сәни јерә вураҹаг, чадырындан дартыб чыхараҹаг,Ишыглы дүнјадан көкүнү гопараҹаг. (Селаһ)
6 Салеһләр буну ҝөрүб горхаҹаг,Онун һалына ҝүләҹәкләр:
7 «Бахын, бу адам Аллаһы өзүнә гала етмәди,Вар-дөвләтинә бел бағлады,Фитнә-фәсады өзүнә сипәр етди».
8 Мәнсә Аллаһын евиндә јашыл зејтун ағаҹытәк олаҹағам,Әбәдијјән Аллаһын мәһәббәтинә ҝүвәнәҹәјәм.
9 Ҝөрдүјүн ишләрдән өтрү Сәни уҹалдаҹағам,Садиг бәндәләринин өнүндәАдына үмид бағлајаҹағам, чүнки бу, јахшыдыр.
