Зәбур 57:1—11
Дирижора. «Мәһв етмә». Давудун мәзмуру. Михтам*. Талутдан гачыб мағарада ҝизләнәндә.
57 Лүтф ет мәнә, Илаһи, лүтф ет!Ҹанымы Сәнә әманәт етмишәм,Дәрд-бәла совушанаҹан ганадларынын алтына сығынаҹағам.
2 Аллаһы чағырырам, Һагг-Тааланы,Мәни дәрд-бәладан гуртаран о тәк Аллаһы.
3 Ҝөјдән көмәк ҝөндәриб мәни хилас едәҹәк,
Мәнә һәмлә едәни чашбаш гојаҹаг. (Селаһ)
Аллаһ мәһәббәтини, сәдагәтини ҝөстәрәҹәк.
4 Ҹаным ширләрин арасындадыр,Чарәсизәм, мәни удмаг истәјәнләрин арасында јатырам.Дишләри низәдир, охдур,Дилләри ити гылынҹдыр.
5 Худаја, ҝөјләр үзәриндә уҹал,Гој ҹалалын бүтүн ҹаһаны бүрүсүн.
6 Ајагларым үчүн тор гурдулар,Гәддим әјилди.
Јолумда гују газдылар,Фәгәт өзләри дүшдү. (Селаһ)
7 Үрәјим мәтиндир, еј Аллаһ,Үрәјим мәтиндир.
Чалыб охујаҹағам.
8 Ојан, еј варлығым,
Дилләнин, еј телли аләтләр, еј чәнҝләр!
Мән сүбһ шәфәгини ојадарам.
9 Сәни елләр арасында уҹалдарам, еј Јеһова,Халглар арасында шәнинә нәғмәләр дејәрәм.
10 Чүнки мәһәббәтин бөјүкдүр, ҝөјләрә чатыр,Вәфадарлығын асимана уҹалыр.
11 Худаја, ҝөјләр үзәриндә уҹал,Гој ҹалалын бүтүн ҹаһаны бүрүсүн.
