Зәбур 59:1—17
Дирижора. «Мәһв етмә». Давудун мәзмуру. Михтам*. Талут Давуду өлдүрмәк үчүн евини ҝүдмәјә адам ҝөндәрәндә.
59 Дүшмәнләримин әлиндән гуртар мәни, еј Аллаһым,Үстүмә ҝәләнләрдән мәни гору.
2 Залымларын әлиндән гуртар,Ганичәнләрдән һифз ет мәни.
3 Бах! Ҹаным үчүн пусгу гурублар,Голузорлулар мәнә һүҹум едирләр.Һалбуки тәгсирсизәм, һеч бир ҝүнаһым јохдур, еј Јеһова.
4 Бир тәгсирим јох икән, һүҹума һазырлашырлар,
Сәни чағырырам, дур, һалыма бах.
5 Исраилин Аллаһы Сәнсән, еј ордулар Аллаһы Јеһова,
Галх, бүтүн халглары ҝөздән кечир,
Хаинләрин һеч биринә рәһм етмә. (Селаһ)
6 Онлар һәр ахшам гајыдырлар,Ит кими мырылдајырлар, шәһәрдә сүләнирләр.
7 Ҝөр ағызларындан нәләр төкүлүр,Додаглары гылынҹ кимидир,Дејирләр: «Ким ешидәҹәк?»
8 Амма Сән Јеһова, онлара ҝүләҹәксән,Бүтүн халглара ришхәнд едәҹәксән.
9 Ҝөзүмү Сәнә дикмишәм, еј ҝүҹүм, гүдрәтим.Аллаһ мәним галамдыр.
10 Мәнә мәһәббәт ҝөстәрән Аллаһ дадыма јетәр,Дүшмәнләримин сүгутуну ҝөстәрәр мәнә.
11 Онлары өлдүрмә, гој халгым бу шејләри унутмасын.
Бөјүк ҝүҹүнлә онлары дидәрҝин сал,Еј галханымыз Јеһова, онлары јерә вур,
12 Дилләриндән чыхан сөзләрә, ағызларынын ҝүнаһына ҝөрә.Ләнәтләриндән, јаланларындан өтрү,Гој тәкәббүрләри онлара тәлә олсун.
13 Гәзәбинлә онларын ахырына чых,Ахырларына чых, јох олсунлар.Гој билсинләр ки, Аллаһ Јагубун үзәриндә, дүнјанын уҹгарларынадәк һөкмранлыг едир. (Селаһ)
14 Гој онлар ахшам гајытсынлар,Ит кими мырылдајыб шәһәрдә сүләнсинләр.
15 Гој бир тикә чөрәкдән өтрү ҝәзсинләр,Гарынлары дојмасын, јатмаға јер тапмасынлар.
16 Мән исә Сәнин гүдрәтинә нәғмә дејәрәм,Сәһәрләр мәһәббәтиндән шөвглә данышарам,
Чүнки Сән мәнә пәнаһҝаһ,Дар ҝүнүмдә сығынаҹаг олдун.
17 Еј ҝүҹүм, гүдрәтим, Сәни нәғмәләрдә тәрәннүм едәрәм,Аллаһ мәһәббәт Аллаһыдыр, мәним галамдыр О!
