Зәбур 62:1—12
Дирижора. Јадитун* үчүн. Давудун мәзмуру.
62 Сакитҹә Аллаһы ҝөзләјирәм,
Гуртулушум Ондандыр.
2 О, мәним гајам, хиласкарым, галамдыр,Сарсылмарам, јыхылмарам.
3 Нә вахтадәк адамын үстүнә ҝәлиб ганыны төкмәјә ҹан атаҹагсыныз?
Һәр бириниз әјилмиш дивар, бир үфүрүмә бәнд даш дивар кими хаталысыныз*.
4 Адамы шәрәфдән салмаг үчүн мәшвәрәт гурурлар,Јаланы севирләр.
Дилдә хејир-дуа, үрәкдә исә ләнәт охујурлар. (Селаһ)
5 Еј гәлбим, сүкут ет, Аллаһы ҝөзлә,Чүнки үмидим Она бағлыдыр.
6 О, мәним гајам, хиласкарым, галамдыр,Әсла сарсылмарам.
7 Гуртулушум, шәрәфим-шаным Аллаһдандыр,
Сарсылмаз гајам, пәнаһым Аллаһдыр.
8 Еј инсанлар, даим Она ҝүвәнин.
Үрәјинизи Она ачын.
Аллаһдыр сығынаҹағымыз. (Селаһ)
9 Инсан ади бир нәфәсдир,Бәшәр оғлу јаландыр,
Һамысыны топлајыб тәрәзијә гојсан, нәфәсдән дә јүнҝүл ҝәләр.
10 Гулдурлуға ҝүвәнмәјин,Сојғунчулуға архаланмајын әбәс јерә,
Вар-дөвләтиниз чохалса да, үрәјинизи она бағламајын.
11 Аллаһ бир дәфә деди, мән ики дәфә ешитдим:
Гүдрәт Аллаһындыр!
12 Мәһәббәт дә Сәниндир, еј Јеһова,Һәр кәсә әмәлинә ҝөрә верирсән.
Һашијәләр
^ Диҝәр вариант: еј сизләр, санки, о, бир әјилмиш дивар, бир үфүрүмә бәнд даш дивардыр.
