Зәбур 67:1—7
Дирижора. Симли аләтләрин мүшајиәтилә. Мәзмур.
67 Аллаһ бизә лүтф ҝөстәрәҹәк, хејир-бәрәкәт верәҹәк,Үзүнүн нуруну үстүмүзә салаҹаг. (Селаһ)
2 Бүтүн дүнјада Сәнин јолун танынсын,Хиласкар олдуғуну бүтүн халглар ешитсин.
3 Гој халглар Сәни мәдһ етсин, еј Аллаһ,Бүтүн халглар бир ағыздан Сәни мәдһ етсин.
4 Гој халглар шадлансын, севинҹ сәдалары јүксәлтсин,Чүнки Сән үммәтләри әдаләтлә мүһакимә едәҹәксән,
Јер үзүндә халглара рәһбәрлик едәҹәксән. (Селаһ)
5 Гој халглар Сәни уҹалтсын, еј Аллаһ,Бүтүн халглар бир ағыздан Сәни уҹалтсын.
6 Јер үзү бәһрәсини верәҹәк,Аллаһ, бизим Аллаһымыз бизә рузи-бәрәкәт верәҹәк.
7 Аллаһ бизә хејир-бәрәкәт верәҹәк,Дүнјанын дөрд тәрәфиндә јашајанлар Ондан горхаҹаг.
