Зәбур 75:1—10
-
Аллаһ әдаләтлә мүһакимә едир
-
Писләр Јеһованын ҹамындан ичәҹәкләр (8)
-
Дирижора. «Мәһв етмә». Асәфин мәзмуру.
75 Шүкүр едирик Сәнә, Илаһи, шүкүр едирик;Сән бизимләсән.Инсанлар харигүладә ишләрини бәјан едир.
2 Сән дејирсән: «Мән вахт тәјин едәндәӘдаләтлә мүһакимә едирәм.
3 Дүнја вә сакинләри ләрзәјә ҝәләндәОнун сүтунларыны тутуб сахлајан Мән идим». (Селаһ)
4 Ловғаја: «Бәсдир ловғалыг етдин», — дејирәм,
Шәр адама исә: «Ҝүҹүнлә өјүнмә*,
5 Ҝүҹүнлә чох өјүнмә,Ловға-ловға данышма, — дејирәм, —
6 Чүнки башыуҹалыг нә гәрбдән, нә шәргдән,Нә дә ҹәнубдан ҝәлир.
7 Аллаһдыр Һаким,
О, кимини алчалдыр, киминисә јүксәлдир.
8 Јеһова әлиндә бир ҹам тутуб,Ичи көпүкләнән түнд шәрабла долудур.
О, ҹамы дибинәдәк бошалдаҹаг,Дүнјанын бүтүн писләри ону сон дамласынадәк ичәҹәк».
9 Мән исә буну әбәдијјән бәјан едәҹәјәм,Јагубун Аллаһыны нәғмәләрдә тәрәннүм едәҹәјәм.
10 О дејир: «Мән шәр адамын бујнузуну сындыраҹағам.Салеһинсә ҝүҹү* уҹалаҹагдыр».
