Зәбур 78:1—72
Маскил*. Асәфин мәзмуру.
78 Еј халгым, ганунума гулаг ас,Ағзымдан чыхан сөзләри динлә.
2 Ағзымы мәсәллә ачаҹағам,
Гәдим тапмаҹалары данышаҹағам,
3 О шејләри ки ешитмишик, билирик,Ата-бабаларымыз бизә данышыб.
4 Оғулларымыздан ҝизләтмәрик,Ҝәләҹәк нәсилләрә нәгл едәрик,Јеһованын тәрифәлајиг әмәлләрини, ҝүҹүнү,Харигүладә ишләрини.
5 О, Јагуба өјүдләрини верди,Исраилдә ганун гојду,Ата-бабаларымыза әмрләр верди ки,Онлары оғулларына өјрәтсинләр.
6 Беләҹә, ҝәләҹәк нәсил,Дүнјаја ҝөз ачаҹаг ушаглар бунлары билсин,
Онлар да өз өвладларына данышсын.
7 Беләҹә, Аллаһа ҝүвәнәр,
Аллаһын ишләрини унутмазлар,Әмрләринә табе оларлар.
8 Онда ата-бабалары кими олмазлар.Онлар кими дикбаш, аси нәсил,Үрәји сәбатсыз,Аллаһа вәфасыз бир нәсил олмазлар.
9 Әфраим оғуллары ох-каманла јарагланса да,Саваш мејданындан ҝери гачдылар.
10 Аллаһын әһдини поздулар,Гануну илә ҝетмәдиләр.
11 Онун ишләрини,Онлара ҝөстәрдији харигәләри унутдулар.
12 О, ата-бабаларынын ҝөзү өнүндә мөҹүзәләр ҝөстәрди,Мисир торпағында, Суан дијарында.
13 Дәнизи јарыб онлар үчүн јол ачды,Сулар дивар кими дурду.
14 Онлара ҝүндүз булудла,Бүтүн ҝеҹәни шәфәг сачан аловла јол ҝөстәрди.
15 Сәһрада гајалары јарды,Онлара дојунҹа су ичирди, санки, үммандан.
16 Сал гајадан су фышгыртды,Сулар чај кими ахды.
17 Онлар исә даһа да чох ҝүнаһ етдиләр,Һагг-Таалаја гаршы гијам галдырдылар сәһрада.
18 Гәлбләриндә Аллаһы сынадылар,Тамарзы галдыглары тәамлары тәләб етдиләр Ондан.
19 Аллаһын әлејһинә данышыб дедиләр:«Мәҝәр Аллаһ бу чөл-бијабанда сүфрә ача биләр?»
20 Бах! О, гајаја вурду,Сулар ахды, селләр дашды.
Јенә дедиләр: «Бәс чөрәк дә верә биләр?Халгы үчүн әт јетирә биләр?»
21 Јеһова буну ешидәндә јаман һирсләнди,Од аловланды Јагуба гаршы.Онун Исраилә гәзәби күкрәди.
22 Чүнки Аллаһа инанмадылар,Онун гуртулуш ҝүҹүнә етибар етмәдиләр.
23 О, булудлу сәмаја әмр етди,Ҝөјләрин гапыларыны ачды.
24 Онлара ҝөјләрин тахылыны верди,Манна јағдырды ки, јесинләр.
25 Инсан гүдрәтлиләрин* чөрәјини једи,Аллаһ онлара дојунҹа јемәк ҝөндәрди.
26 Ҝөјләрдә шәрг күләји әсдирди,Гүввәти илә ҹәнуб күләји ојатды.
27 Әти онларын үзәринә тоз кими јағдырды,Гушлар дәниз гуму гәдәр иди.
28 Онлары дүшәрҝәнин ортасына,Чадырларын һәндәвәринә төкдү.
29 Једиләр, боғазларына дүртдүләр.Үрәкләри истәјән һәр шеји онлара верди,
30 Амма һәлә иштаһаларыны дојуздурмамыш,Лохмалары һәлә ағызларында икән,
31 Онлара гаршы Аллаһын гәзәби галхды,
Онларын пәһләванларыны өлдүрмәјә башлады,Исраилин ҹаһыл оғулларыны јерә сәрди.
32 Бунунла белә, ҝүнаһдан әл чәкмәдиләр,Онун харигүладә ишләринә иман ҝәтирмәдиләр.
33 Буна ҝөрә онларын ҝүнләрини кәсди, нәфәс кими,Өмүрләрини нагафил дәһшәтләрлә сона јетирди.
34 Һәр дәфә Аллаһ онлары гыранда Ону ахтардылар,Гајыдыб Ону арадылар.
35 Јадларына дүшүрдү ки, Аллаһдыр онларын гајасы,Аллаһ-Тааладыр онларын хиласкары.
36 Додаглары илә Ону алдатмаға чалышдылар,Дилләри илә Она јалан данышдылар.
37 Үрәкләри Она бағлы дејилди,Онун әһдинә вәфа етмәдиләр.
38 Амма О, мәрһәмәт ҝөстәрирди,Ҝүнаһларындан кечирди, онлары мәһв етмирди,
Дәфәләрлә һирсини боғурду,Гәзәбини там ојатмырды.
39 Унутмурду ки, онлар әтдән, сүмүкдәндирләр,Әсиб ҝери гајытмајан күләк кимидирләр*.
40 Нечә дәфә сәһрада Она аси олдулар,Бијабанда Ону кәдәрләндирдиләр.
41 Дөнә-дөнә Аллаһы сынадылар,Исраилин Мүгәддәсини инҹитдиләр.
42 Јада салмадылар Онун ҝүҹлү әлини,Онлары дүшмәндән гуртардығы ҝүнү,
43 Мисирдә ҝөстәрдији әламәтләри,Суан дијарындакы мөҹүзәләрини.
44 Ахар сулар ичмәли олмасын дејә,Нил архларынын сујуну неҹә гана чевирдијини унутдулар.
45 Онлары ҝөндәрдији мозаланлара јем етди,Өлкәни виран гојмаг үчүн гурбағалар ҝөндәрди.
46 Әкинләрини аҹҝөз чәјирткәјә,Әлләринин зәһмәтини чәјирткә сүрүсүнә верди.
47 Үзүм тәнәкләрини долу илә,Әнҹир ағаҹларыны долу дәнәләри илә мәһв етди.
48 Јүк һејванларыны долујла,Сүрүләрини илдырымла* вурду.
49 Онларын үзәринә аловлу гәзәб,Һирс, һиддәт, бәла јағдырды,Фәлакәт мәләкләрини ҝөндәрди, алајларла.
50 Гәзәбинә јол ачды,
Ҹанларыны өлүмдән гуртармады,Онлары азара дүчар етди.
51 Ахырда Мисирдәки бүтүн илкинләри,Һамын чадырларындакы илк өвладлары мәһв етди.
52 Сонра халгыны сүрүтәк орадан чыхартды,Сүрүтәк апарды сәһрада онлары.
53 Онлары асајишлә апарды,Горху нәдир билмәдиләр,Дүшмәнләрини исә дәрјада гәрг етди.
54 Онлары мүгәддәс мәканына,Сағ әли илә фәтһ етдији дағлыг бөлҝәјә ҝәтирди.
55 Онларын гаршысындан халглары бир-бир говду,Ирс торпагларыны өлчү ипи илә араларында бөлүшдүрдү,Исраил гәбиләләрини өз јурдларында мәскунлашдырды.
56 Онлар исә Аллаһ-Тааланы сынамагдан, Она гаршы чыхмагдан әл чәкмәдиләр,Онун өјүдләрини һеј гулагардына вурдулар.
57 Аталары кими дөнүклүк етдиләр, хәјанәт етдиләр,
Етибарсыз чыхдылар, ипи бошалмыш камана бәнзәдиләр.
58 Сәҹдәҝаһлары* илә Ону гәзәбләндирдиләр,Ојма бүтләри илә Онун һирсини ојатдылар.
59 Бунлары ешидән Аллаһ бәрк һиддәтләнди,Исраилдән тамамилә үз дөндәрди.
60 Ахырда Шилодакы чадырыны,Инсанлар арасында галдығы чадыры тәрк етди.
61 Ҝүҹүнүн нишаныны әсарәтә ҝөндәрди,Ҝөзәллијини дүшмәнә тәслим етди.
62 Халгыны гылынҹын габағына верди,Ирсинә гаршы гәзәбләнди.
63 Ҹаванларыны алов удду,Гызларына тој маһнысы охунмады.
64 Каһинләри гылынҹдан кечирилди,Дул галан арвадлары ҝөз јашы төкмәди.
65 О заман Јеһова, санки, јухудан ојанды,Санки, пәһләван шәрабын тәсириндән ајылды.
66 Дүшмәнләри ҝери атды,Онлары әбәдилик хар етди.
67 Јусифин чадырыны рәдд етди,Әфраим гәбиләсини сечмәди.
68 Јәһуда гәбиләсини,Севдији Сион дағыны сечди.
69 Мүгәддәс мәканыны ҝөјләр кими,Әбәдилик гојдуғу Јер кими даими бина етди.
70 Гулу Давуду сечди,Ону гојун ағылларындан ҝөтүрдү,
71 Јаныбалалы гојунларын ардындан ҝөтүрдү,Халгы Јагубун,Ирси Исраилин үзәринә чобан гојду.
72 Давуд да онлары садиг үрәклә отарды,Баҹарыглы әли илә онлара рәһбәрлик етди.
Һашијәләр
^ Јахуд мәләкләрин.
^ Диҝәр вариант: руһ чыхыр вә ҝери гајытмыр.
^ Диҝәр вариант: гыздырма илә.
^ Һәрфән: јүксәкликләри.
