Зәбур 79:1—13
Асәфин мәзмуру.
79 Еј Аллаһ, халглар Сәнин мүлкүнә тәҹавүз етди,Мүгәддәс мәбәдини мурдар етдиләр,Јерусәлими харабалыға чевирдиләр.
2 Гулларынын ҹәсәдини гушлара јем етдиләр,Садиг бәндәләринин әтини һејванлара вердиләр.
3 Јерусәлимин јан-јөрәсиндә ганларыны су кими ахытдылар,Ҹәсәдләри басдырмаға бир адам галмајыб.
4 Гоншуларымыз бизә ришхәнд едир,Бүтүн әр-әтраф бизи лаға гојур, әлә салыр.
5 Јеһова, нә вахтадәк һирсли галаҹагсан? Әбәдиликми?
Нә вахтадәк һиддәтин од тутуб јанаҹаг?
6 Гәзәбини Сәни танымајан халгларын,Адыны чағырмајан сәлтәнәтләрин үзәринә јағдыр.
7 Чүнки Јагуб нәслинин ахырына чыхдылар,Онун јурдуну виранә гојдулар.
8 Нә олар, ата-бабаларымызын ҝүнаһына ҝөрә бизи ҹәзаландырма.
Тәләс, бизә рәһм ет,Лап зәлил олмушуг.
9 Бизә јардым ет, еј хиласкар Аллаһымыз,Шанлы адын наминә.Адын наминә бизи гуртар, ҝүнаһларымызы әфв ет.
10 Нәјә ҝөрә халглар: «Һаны онларын Аллаһы?» — десин?
Гој ҝөзүмүз ҝөрә-ҝөрә бүтүн халглара мәлум олсун ки,Гулларынын ахыдылмыш ганы јердә галмајыб.
11 Мәһбусларын аһ-наләси дәрҝаһына галхсын,
Өлүмә мәһкум оланлары ҝүҹлү әлинлә һифз ет*.
12 Гоншуларымызын Сәнә етдији тәһгирләриЈедди гат башларына ҝәтир, еј Јеһова.
13 Онда биз, Сәнин халгын, өрүшүнүн сүрүсү,Әбәди Сәнә шүкүр едәрик,Мәдһини нәсилдән-нәслә уҹалдарыг.
Һашијәләр
^ Диҝәр вариант: азад ет.
