Зәбур 80:1—19
Дирижора. «Занбаглар» үчүн. Өјүд. Асәфин мәзмуру.
80 Еј Исраилин Чобаны*, ешит,Сәнсән Јусифи* сүрү кими апаран.
Еј кәррублар үзәриндә* тахтда отуран,Шәфәг сач!
2 Әфраимин, Бинјаминин, Мәнәссәнин өнүндәГүдрәтини ојандыр,Ҝәл, бизи гуртар.
3 Худаја, бизи әввәлки һалымыза гајтар,Үзүнүн нуруну үстүмүзә сал, ниҹат тапаг.
4 Еј ордулар Аллаһы Јеһова, нә вахтаҹан халгынын дуасына аҹыгланаҹагсан?
5 Онларын ҝөз јашыны онлара чөрәк кими једирирсән,Ҝөзләринин горасыны онлара о ки вар ичирдирсән.
6 Елә едирсән ки, гоншуларымыз үстүмүздә бәһсә ҝирир,Дүшмәнләримиз кефләри истәдији кими бизи әлә салыр.
7 Еј ордулар Аллаһы, бизи әввәлки һалымыза гајтар,Үзүнүн нуруну үстүмүзә сал, бизи гуртар.
8 Үзүм тәнәјини Мисирдән ҝәтирдин,
Ону әкмәк үчүн халглары говдун.
9 Торпағы тәмизләдин ки,О көк атсын, өлкәни бүрүсүн.
10 Көлҝәси дағларын үстүнү,Будаглары Аллаһын сидр ағаҹларыны өртүб.
11 Гол-будағы дәнизәдәк,Шахәләри чаја* гәдәр чатыб.
12 Онун даш диварларыны нә үчүн учурдун?Нә үчүн јолдан кечән һәр кәс әл атыб мејвәсини дәрир?
13 Мешә габаны тәнәји јејиб мәһв едир,Чөлүн һејванлары онунла бәсләнир.
14 Еј ордулар Аллаһы, нә олар, дөн,
Ҝөјләрдән һалына бах,
Гејдинә гал бу тәнәјин,
15 Сағ әлинлә әкдијин фиданын.Өзүн үчүн ҝүҹләндирдијин пөһрәјә нәзәр сал.
16 Ону сындырыб ода атырлар.
Үзүнүн зәһминдән мәһв олурлар.
17 Гој әлин сағында дуранын,Өзүн үчүн ҝүҹләндирдијин бәшәр оғлунун үзәриндә олсун.
18 Биз Сәндән дөнмәјәҹәјик,
Бизи јашат ки, Сәнин адыны чағыраг.
19 Еј ордулар Аллаһы Јеһова, бизи әввәлки һалымыза гајтар,Үзүнүн нуруну үстүмүзә сал, ниҹат тапаг.
