Зәбур 81:1—16
Дирижора. Ҝиттит* үчүн. Асәфин мәзмуру.
81 Гүдрәтли Аллаһымыза севинҹ сәдалары уҹалдын,
Јагубун Аллаһына зәфәр һарајы јүксәлдин!
2 Маһны сәси уҹалдын, әлинизә гавал,Хош авазлы чәнҝ, телли аләт ҝөтүрүн.
3 Ај тәзәләнәндә, ај бәдирләнәндә,Бајрам етдијимиз ҝүн шејпур чалын.
4 Бу, Исраилдә гајдадыр,Јагубун Аллаһынын һөкмүдүр.
5 Худавәнд Мисирин үзәринә ҝедәндәБуну Јусифә бир нишан кими вермишди.
Мән орада намәлум бир сәс ешитдим:
6 «Чијниндән јүкү ҝөтүрдүм,Әлләри сәбәтдән азад олду.
7 Дара дүшәндә Мәни чағырдын, сәни гуртардым,Шимшәк ҝизләнән јердән сәнә һај вердим.
Мәриба суларында сәни сынадым. (Селаһ)
8 Ешит, еј халгым, сәнә гаршы шәһадәт едәҹәјәм,
Каш Мәни динләјәјдин, еј Исраил.
9 Аранызда өзҝә аллаһ олмамалыдыр,Јад аллаһа сәҹдә етмәмәлисиниз.
10 Сәнин Аллаһын Мәнәм, Јеһова,Сәни Мисирдән чыхаран Аллаһ.
Ағзыны ҝениш ач, сәни дојурум.
11 Амма халгым сәсими ешитмәди,Исраил Мәнә бојун әјмәди.
12 Мән дә онлары үрәкләринин инадына бурахдым ки,Өз билдикләрини етсинләр.
13 Каш халгым Мәнә гулаг асајды,Исраил јолларымла ҝедәјди!
14 Онда дүшмәнләрини тез рам едәрдим,Әлими јағыларын үзәринә галдырардым.
15 Јеһоваја нифрәт едәнләр ҝәлиб гаршысында јерә дөшәнәҹәк.Онларын һалы әбәдијјән белә олаҹаг.
16 О, сәни ән јахшы буғда илә бәсләјәҹәк,Гајадан чыхан балла дојураҹаг».
