Зәбур 84:1—12
Дирижора. Ҝиттит* үчүн. Гарун оғулларынын мәзмуру.
84 Еј ордулар Аллаһы Јеһова,Әзәмәтли мәскәнин неҹә дә ҝөзәлдир!
2 Бүтүн варлығымЈеһованын һәјәтләринин һәсрәтиндәдир,Һәсрәтдән саралыб-солмушам.
Үрәјим, вүҹудум вар олан Аллаһа севинҹ сәдалары уҹалдыр.
3 Еј ордулар Аллаһы Јеһова, еј Падшаһым, Аллаһым,Сәнин мөһтәшәм гурбанҝаһынын јанындаГушлар белә, мәскән тапыр,Гарангушлар јува гурур,Балаларыны орада бәсләјир.
4 Нә хошбәхтдир евиндә јашајанлар!
Һеј Сәнә алгыш дејирләр. (Селаһ)
5 Сәндән гүввәт алан инсан,Евинә ҝедән јоллара көнүл бағлајан инсан нә хошбәхтдир!
6 Бака дәрәсиндән кечәндә,Ораны чешмәли бир мәкана дөндәрир,Илк јағыш да ораны бәрәкәтлә өртүр*.
7 Онлар јеридикҹә ҝүҹләри артар,Һәр бири Сиона, Аллаһын һүзуруна ҝәләр.
8 Еј ордулар Аллаһы Јеһова, нә олар, дуамы ешит,Динлә, еј Јагубун Аллаһы. (Селаһ)
9 Мәсһ етдијинин үзүнә бах,Бах, еј сипәримиз, еј Аллаһымыз*.
10 Сәнин һәјәтиндә кечән бир ҝүнү, өзҝә јердә кечирдијим мин ҝүнә дәјишмәрәм.
Аллаһын евинин кандарында дурмагШәр адамын чадырында јашамагдан гат-гат јахшыдыр.
11 Јеһова Аллаһ ҝүнәшимдир, сипәримдир,О лүтф ҝөстәрәр вә шан-шөһрәт бәхш едәр.
Камиллик јолунда јеријәнләрдәнЈеһова јахшылығыны әсирҝәмәз.
12 Еј ордулар Аллаһы Јеһова,Нә хошбәхтдир Сәнә ҝүвәнән адам!
