Зәбур 85:1—13
Дирижора. Гарун оғулларынын мәзмуру.
85 Өз өлкәнә лүтф ҝөстәрдин, еј Јеһова,Јагубун әсир өвладларыны ҝери гајтардын.
2 Халгынын тәгсирини бағышладын,Бүтүн ҝүнаһларыны әфв етдин. (Селаһ)
3 Сән бүтүн һиддәтини сахладын,Шиддәтли гәзәбини јатырдын.
4 Еј хиласкарымыз Аллаһ, бизи кечмиш ҝүнләримизә гајтар,Даһа бизә аҹыгланма.
5 Бизә сонсузадәк һирсләнәҹәксән?
Гәзәбини нәсилдән-нәслә узадаҹагсан?
6 Мәҝәр бизи дирчәлтмәјәҹәксән ки,Халгын Сәндә севинҹ тапсын?
7 Бизә мәһәббәтини ҝөстәр, еј Јеһова,Бизә гуртулуш бәхш ет.
8 Јеһова Аллаһын сөзләрини динләјәҹәјәм,О, Өз халгына, садиг бәндәләринә сүлһ барәдә данышаҹаг,Тәки онлар јенә дә дикбаш олмасынлар.
9 Онун еһтишамы өлкәмиздә јашасын дејә,Вердији гуртулуш Ондан горханлара јахындыр.
10 Мәһәббәтлә сәдагәт ҝөрүшәҹәк,Салеһликлә сүлһ өпүшәҹәк.
11 Сәдагәт јердән ҹүҹәрәҹәк,Доғрулуг ҝөјләрдән бојланаҹаг.
12 Јеһова да немәт верәҹәк,Торпағымыз мәһсулуну битирәҹәк.
13 Салеһлик Онун өнүндә ҝедәҹәк,Аддымлары үчүн ҹығыр ачаҹаг.
