Зәбур 9:1—20
Дирижора. Мутлаббен* үчүн. Давудун мәзмуру.
א [Алеф]*
9 Бүтүн гәлбимлә Сәни мәдһ едәрәм, еј Јеһова,Харигүладә ишләриндән данышарам.
2 Фәрәһим, һәдсиз севинҹим Сәнсән,Адыны нәғмәләрдә тәрәннүм едәрәм, еј Һагг-Таала!
ב [Бет]
3 Дүшмәнләр ҝери чәкиләндәБүдрәјиб өнүндән јох олаҹаглар.
4 Мәним һагг ишими мүдафиә едирсән;Тахтына әјләшәрәк әдаләтлә һөкм едирсән.
ג [Гимел]
5 Халглары мәзәммәт етдин, писләрин көкүнү кәсдин,Адларыны әбәдилик силдин.
6 Дүшмән һәмишәлик мәһв олуб,Шәһәрләрини јерлә јексан етмисән,Хатирәләри дә бүсбүтүн мәһв олаҹаг.
ה [Һе]
7 Лакин Јеһова тахтында әбәди әјләшиб,О, тахтыны әдаләт үчүн гуруб.
8 О, дүнјаны әдаләтлә мүһакимә едәҹәк,Үммәтләрә һагг һөкмләр чыхараҹаг.
ו [Вав]
9 Јеһова мәзлумлар үчүн пәнаһ јери,Дар ҝүндә сығынаҹагдыр.
10 Адыны таныјанлар Сәнә тәвәккүл едир, еј Јеһова,Сәни ахтаранлардан үз дөндәрмәзсән.
ז [Зајн]
11 Сионда јашајан Јеһованы нәғмәләрдә тәрәннүм един,Халглар арасында ишләриндән данышын!
12 Ганларынын интигамыны Алан онлары јадда сахлајыр,О, мәзлумларын фәрјадыны унутмаз.
ח [Хет]
13 Лүтф ет, еј Јеһова, еј мәни өлүм гапыларындан галдыран,Мәнә нифрәт едәнләрин зүлмүнү ҝөр.
14 Онда Сион гызынын гапыларында тәрифли ишләрини бәјан едәрәм,Вердијин гуртулуша севинәрәм.
ט [Тет]
15 Халглар газдыглары гујуја өзләри дүшүб,Ајаглары сәрдикләри тора илишиб.
16 Јеһова иҹра етдији һөкмләрлә таныныр.
Шәр адам өз әмәлләринин тәләсинә дүшүб.
Һиггајон*. (Селаһ)
י [Јуд]
17 Шәр адамлар, Аллаһы унудан бүтүн халгларМәзара* ҝедәҹәк.
18 Јохсулларса һәмишәлик унудулмаз,Фағырларын үмиди һеч вахт итмәз.
כ [Каф]
19 Галх, еј Јеһова! Гојма фани инсан үстүн ҝәлсин,
Гој халглар Сәнин өнүндә мәһкум едилсин.
20 Еј Јеһова, халгларын ҹанына горху сал,Гој билсинләр ки, фани инсандырлар. (Селаһ)
Һашијәләр
^ Ибрани әлифбасынын илк һәрфидир. Бу мәзмур орижинал мәтндә әлифба сырасы илә јазылмышдыр.
