Зәбур 90:1—17
Аллаһын гулу Мусанын дуасы.
90 Еј Јеһова, бүтүн нәсилләр боју мәскәнимиз* Сәнсән.
2 Дағлар доғулмаздан әввәл,Сән дүнјаны, торпағы вар етмәздән әввәлӘзәлдән әбәдијјәтә Аллаһ Сәнсән.
3 Фани инсаны торпаға гајтарырсан,«Еј бәшәр оғуллары, торпаға гајыдын», — дејирсән.
4 Сәнин ҝөзүндә мин ил өтүб кечән ҝүн кимидир,Ҝеҹә нөвбәсинә бәнзәр.
5 Онлары силиб-сүпүрүрсән, јухутәк кечиб ҝедирләр,Сәһәр чағы онлар, санки, ҹүҹәрән отлардыр.
6 Сәһәр чичәк ачыр, тәзә-тәр олур,Ахшам чағы солур, гурујуб ҝедир.
7 Гәзәбин бизи бүрүјүб удур,Һиддәтин ҹанымыза ваһимә салыр.
8 Тәгсирләримиздән аҝаһсан*,Үзүнүн нуру сирләримизи ашкар едир.
9 Гәзәбиндән өмүр-ҝүнүмүз битир,Илләримиз пычылтытәк кәсилир.
10 Јетмиш ил анҹаг јашарыг,Ҹаны сағлам олан, бәлкә, сәксәнә јетишә.
О да ки әзабла, гәм-гүссә илә кечәр,Өмрүмүз тез өтүр, учуб ҝедирик.
11 Гәзәбинин шиддәтини ким анлаја биләр?
Һиддәтин ҹанымыздакы хофун гәдәр бөјүкдүр.
12 Бизи өјрәт ки, ҝүнләримизин гәдрини биләк,Үрәјимиз һикмәтли олсун.
13 Гајыт, еј Јеһова! Ахы нә вахтадәк белә давам едәҹәк?
Бәндәләринә јазығын ҝәлсин.
14 Сүбһ тездән бизи мәһәббәтинлә дојуздур ки,Шаграг сәсимиз јүксәлсин, өмүр боју севинҹимиз ашыб-дашсын.
15 Гәм-гүссә вердијин ҝүнләрин сајы гәдәр,Әзаб-әзијјәт чәкдијимиз илләрин сајы гәдәр севинҹ вер бизә.
16 Гој ишләрин гулларына бәлли олсун,Әзәмәтин онларын оғуллары үзәринә шәфәг сачсын.
17 Аллаһымыз Јеһованын лүтфү үстүмүздән әскик олмасын,Гој әлимизин иши аванд олсун.
Өзүн ишимизи аванд елә.
