Зәбур 95:1—11
95 Ҝәлин Јеһоваја севинҹ сәдалары јүксәлдәк!
Гуртулуш гајамызы зәфәр нидалары илә мәдһ едәк!
2 Онун һүзуруна шүкранларла ҝәләк,Она нәғмә охујаг, зәфәр сәдалары уҹалдаг!
3 Чүнки Јеһова әзәмәтли Аллаһдыр,Бүтүн аллаһлар үзәриндә уҹа һөкмдардыр.
4 Јерин дәрин гатлары Онун әлиндәдир,Дағларын зирвәләри Онундур.
5 Јаратдығы дәнизин саһиби Одур,Торпаг да Онун әлләринин ишидир.
6 Ҝәлин Она ибадәт едәк, гаршысында баш әјәк,Халигимиз Јеһованын өнүндә диз чөкәк.
7 Ахы О, Аллаһымыздыр,О, бизи сүрүтәк бәсләјиб-әзизләјир,Биз Онун отлағынын халгыјыг.
Бу ҝүн Она гулаг асын:
8 Үрәјинизи инадкар етмәјин,Сәһрада, Масаһда олдуғу кими, Мәрибада олдуғу кими.
9 О заман аталарыныз Мәни сынадылар,Етдикләрими ҝөрә-ҝөрә Мәни сынаға чәкдиләр.
10 Гырх ил бу нәслә нифрәт етдим вә дедим:
«Бу халгын үрәји елә һеј азыр,Јолларымы танымырлар».
11 Буна ҝөрә гәзәбләниб анд ичдим:
«Онлар истираһәтимә говушмајаҹаглар».
