Зәкәријјә 13:1—9
13 О ҝүн Давуд евини вә Јерусәлим әһлини ҝүнаһдан вә мурдарлыгдан тәмизләмәк үчүн су гујусу газылаҹаг».+
2 Ордулар Аллаһы Јеһова бәјан едир: «О ҝүн өлкәдән бүтләрин адыны силәҹәјәм,+ онлар бир дә хатырланмајаҹаг. Пејғәмбәрләри+ вә мурдарлыг руһуну да бу дијардан јох едәҹәјәм.
3 Әҝәр кимсә јенидән пејғәмбәрлик етсә, ону дүнјаја ҝәтирән ата-анасы она дејәҹәк: “Сән јашамајаҹагсан, чүнки Јеһованын ады илә јалан данышырсан”. О, пејғәмбәрлик етдији үчүн ону дүнјаја ҝәтирән ата-анасы онун бәдәнини дешәҹәк.+
4 О ҝүн пејғәмбәрләр пејғәмбәрлик вәһјләринә ҝөрә утанаҹаглар, онлар түклү палтар+ ҝејинәрәк халгы алдатмајаҹаглар.
5 Онлар дејәҹәк: “Мән пејғәмбәр дејиләм. Мән әкинчијәм, чүнки ҹаванлығымда бир адам мәни өзүнә гул алыб”.
6 Ондан сорушанда: “Бәдәниндәки* јаралар нәдир?” О: “Бунлар әзизләримин евиндә једијим көтәкләрин јеридир”, — дејәҹәк».
7 «Еј гылынҹ, чобанымын,+Достумун үстүнә галх!» — бәјан едир ордулар Аллаһы Јеһова.
«Чобаны вур,+ гој сүрү пәрән-пәрән олсун.+Кичикләрә лүтф ҝөстәрәҹәјәм».
8 Ордулар Аллаһы Јеһова бәјан едир:«Бүтүн дијарда ҹамаатын үчдә икиси гырылыб өләҹәк,Амма бир һиссәси галаҹаг.
9 Һәмин бир һиссәни Мән оддан-аловдан кечирәҹәјәм.Онлары ҝүмүшү сафлашдырантәк саф едәҹәјәм,Гызылы јохлајантәк јохлајаҹағам.+
Онлар Мәни адымла чағыраҹаг,Мән онлара һај верәҹәјәм.
Дејәҹәјәм: “Бу, Мәним халгымдыр”,+
Онлар да: “Јеһова бизим Аллаһымыздыр”, — дејәҹәк».
Һашијәләр
^ Һәрфән: әлләринин арасындакы. Јәни синәдәки вә ја күрәкдәки.
