Ибраниләрә 8:1—13
8 Дедијимиз бу шејләрин мәғзи будур: бизим белә бир баш каһинимиз+ вар. О, ҝөјләрдә, Әзәмәт Саһибинин тахтынын сағында әјләшиб.+
2 О, инсан әлинин дејил, Јеһованын гурдуғу һәгиги чадырдакы мүгәддәс мәканда+ хидмәт едир.
3 Һәр бир баш каһин Аллаһа бәхшишләр вә гурбанлар тәгдим етмәк үчүн тәјин едилир, буна ҝөрә онун да тәгдим етмәјә нәји исә олмалы иди.+
4 О, јер үзүндә олсајды, каһин олмазды,+ чүнки орада Гануна әсасән башга каһинләр бәхшишләр тәгдим едирләр.
5 Онларын иҹра етдији мүгәддәс хидмәт сәмави шејләрин+ тимсалы вә көлҝәсидир.+ Бу, Муса чадыры дүзәлтмәјә һазырлашаркән Аллаһын она вердији әмрдән ҝөрүнүр: «Диггәтли ол ки, һәр шеј сәнә дағда ҝөстәрилән нүмунәјә ујғун дүзәлдилсин».+
6 Инди Иса даһа мөһтәшәм хидмәтә тәјин олунуб, белә ки, о, даһа јахшы вәдләр үзәриндә һүгуги ҹәһәтдән тәсис едилмиш даһа үстүн бир әһдин+ дә васитәчисидир.+
7 Әҝәр биринҹи әһд гүсурсуз олсајды, икинҹисинә еһтијаҹ галмазды.+
8 Амма О, халгына гаршы наразылығыны бу сөзләрлә билдирир: «Јеһова дејир: “Ҝүн ҝәләҹәк Исраил еви вә Јәһуда еви илә јени әһд бағлајаҹағам.
9 Бу әһд әлләриндән тутуб Мисирдән чыхардығым ҝүн+ ата-бабалары илә бағладығым әһдә бәнзәмәјәҹәк. Чүнки онлар Мәним әһдимә садиг галмадылар, буна ҝөрә дә Мән онлардан үз чевирдим”, — Јеһова белә дејир».
10 «Јеһова белә дејир: “О ҝүнләрдән сонра Исраил еви илә бағлајаҹағым әһд будур: ганунларымы онларын ағлына гојаҹағам, үрәкләринә јазаҹағам.+ Мән онларын Аллаһы олаҹағам, онлар да Мәним халгым.+
11 Артыг һеч кәс өз сојдашына вә гардашына: “Јеһованы таны!” — демәјәҹәк, чүнки балаҹадан тутмуш бөјүјәдәк һамы Мәни таныјаҹаг.
12 Онларын пис әмәлләрини бағышлајаҹағам, ҝүнаһларыны бир дә хатырламајаҹағам”».+
13 Аллаһ «јени әһд» демәклә әввәлки әһдин көһнәлдијини ҝөстәрир.+ Дөврүнү баша вурмуш вә көһнәлмиш шеј бир аздан јох олаҹаг.+
