Лавилиләр 12:1—8
-
Заһы гадын үчүн ҝөстәришләр (1—8)
12 Сонра Јеһова Мусаја деди:
2 «Исраил оғулларына белә сөјлә: “Һамилә гадын оғлан ушағы доғарса, онда ајбашы вахты олдуғу кими, једди ҝүн мурдар олаҹаг.+
3 Сәккизинҹи ҝүн ушаг сүннәт олунмалыдыр.+
4 Гадын гандан пакланмаг үчүн отуз үч ҝүн дә ҝөзләмәлидир. О, һеч бир мүгәддәс шејә тохунмамалы вә пакланма мүддәти баша чатанаҹан мүгәддәс мәкана ҝәлмәмәлидир.
5 Әҝәр о, гыз ушағы доғарса, онда ајбашы вахты олдуғу кими, он дөрд ҝүн мурдар олаҹаг. Гандан пакланмаг үчүн исә алтмыш алты ҝүн дә ҝөзләмәлидир.
6 Сонра оғлуна вә ја гызына ҝөрә ҝөзләдији пакланма ҝүнләри баша чатанда, гадын каһинин јанына, Һүзур чадырынын ҝиришинә јандырма гурбаны кими бир еркәк тоғлу+ вә ҝүнаһ гурбаны кими бир бала ҝөјәрчин, ја да бир гумру гушу ҝәтирмәлидир.
7 Каһин онлары Јеһованын өнүндә тәгдим едиб гадын үчүн кәффарә верәҹәк вә гадын ганахмадан пак олаҹаг. Оғлан вә ја гыз ушағы доған заһы гадын үчүн ганун беләдир.
8 Гадынын гојуна ҝүҹү чатмырса, онда ики гумру гушу вә ја ики бала ҝөјәрчин ҝәтирмәлидир,+ бирини јандырма гурбаны кими, о бирисини ҝүнаһ гурбаны кими. Каһин онун үчүн кәффарә верәҹәк вә гадын пак олаҹаг”».
