Лавилиләр 3:1—17
3 Гарамалын еркәјиндән вә ја дишисиндән үнсијјәт гурбаны+ тәгдим етмәк истәјән адам Јеһованын һүзуруна сағлам һејван ҝәтирмәлидир.
2 О, әлини һејванын башына гојмалыдыр. Һејван Һүзур чадырынын ҝиришиндә кәсилмәли, каһинләр, Һарун оғуллары ганы һәр тәрәфдән гурбанҝаһын үстүнә чиләмәлидирләр.
3 Һәмин адам үнсијјәт гурбанынын бу һиссәсини Јеһоваја одда јандырылараг ҝәтирилән тәгдимә кими тәгдим етмәлидир:+ ич пијини, бағырсаглары өртән бүтүн пији,+
4 һәр ики бөјрәји вә онларын үстүндәки, јәни бел наһијәсиндәки пији. О һәмчинин бөјрәкләрлә бир јердә гараҹијәрин үстүндәки пији дә тәгдим етмәлидир.+
5 Һарун оғуллары бунлары гурбанҝаһда, јанан одунларын үстүндәки јандырма гурбаны илә бирликдә јандырмалыдыр.+ Бу, әтри Јеһоваја хош олан, одда јандырылан тәгдимәдир.+
6 Јеһоваја тәгдим едилән үнсијјәт гурбаны гојун-кечидән оларса, ҝәтирилән еркәк вә ја диши һејван сағлам олмалыдыр.+
7 Ҹаван гоч тәгдим едән ону Јеһованын өнүнә ҝәтирмәли
8 вә әлини һејванын башына гојмалыдыр. Һејван Һүзур чадырынын ҝиришиндә кәсилмәли, Һарун оғуллары ганы һәр тәрәфдән гурбанҝаһын үстүнә чиләмәлидир.
9 Һәмин адам үнсијјәт гурбанынын пијини Јеһоваја одда јандырылараг ҝәтирилән тәгдимә кими тәгдим етсин.+ О, дүз бел сүмүјүнүн јанындан бүтүн гујруғу кәсмәли, һәмчинин ич пијини, бағырсаглары өртән бүтүн пији,
10 һәр ики бөјрәји вә онларын үстүндәки, јәни бел наһијәсиндәки пији вә бөјрәкләрлә бир јердә гараҹијәрин үстүндәки пији чыхармалыдыр.+
11 Каһинләр бунлары гурбанҝаһда јемәк тәгдимәси кими јандырсынлар. Бу, Јеһова үчүн одда јандырылан тәгдимәдир.+
12 Кечи тәгдим едән ону Јеһованын өнүнә ҝәтирмәли
13 вә әлини һејванын башына гојмалыдыр. Һејван Һүзур чадырынын ҝиришиндә кәсилмәли, Һарун оғуллары ганы һәр тәрәфдән гурбанҝаһын үстүнә чиләмәлидирләр.
14 Һәмин адам Јеһова үчүн одда јандырылан тәгдимә кими һејванын бу һиссәсини: ич пијини, бағырсаглары өртән бүтүн пији,+
15 һәр ики бөјрәји вә онларын үстүндәки, јәни бел наһијәсиндәки пији, һабелә бөјрәкләрлә бир јердә гараҹијәрин үстүндәки пији тәгдим етмәлидир.
16 Каһинләр бунлары гурбанҝаһда хош әтир үчүн одда јандырылан јемәк тәгдимәси кими јандырсынлар. Пијин һамысы Јеһованындыр.+
17 Пиј вә ган+ јемәмәлисиниз. Бу, јашадығыныз һәр јердә бүтүн нәсилләриниз үчүн һәмишәлик ганундур”».
