Микә 5:1—15
5 Еј ишғал олунмуш шәһәр*,Сән өзүнү кәсиб-јаралајырсан.Биз мүһасирәдәјик.+
Исраил һакиминин үзүнә дәјәнәклә вурурлар.+
2 Сән, еј Бејтләһм Әфрат,+Јәһуда шәһәрләринин ән кичији,Исраилдә ирадәми иҹра едәҹәк рәһбәр сәндән чыхаҹаг.+Онун көкү чох гәдимләрә, әзәл ҝүнләрә ҝедиб чыхыр.
3 Буна ҝөрә һамилә гадын доғана гәдәрО, онлары тәслим едәҹәк.
Сонра рәһбәрин сағ галмыш гардашлары Исраил халгынын јанына гајыдаҹаг.
4 О галхаҹаг вә Аллаһы Јеһованын гүдрәти илә,Јеһованын уҹа ады илә чобанлыг едәҹәк.+
Онлар асајишдә јашајаҹаглар,+О заман онун әзәмәти јерин уҹгарларынадәк чатаҹаг.+
5 О, әмин-аманлыг ҝәтирәҹәк.+
Ашшурлулар јурдумуза басгын етсәләр, галаларымыза ајаг бассалар,+Онларын габағына једди чобан, лап сәккиз бәј чыхардарыг.
6 Онлар Ашшур өлкәсини,Нәмруд+ дијарынын сәрһәдләрини гылынҹла ҹәзаландыраҹаглар.+
Ашшурлулар јурдумуза басгын едәндә,+Торпагларымызы тапдалајанда о, бизи гуртараҹаг.
7 Јагубдан сағ галанлар чохлу халглар арасындаЈеһовадан ҝәлән шеһ кими,Чөл-чәмәнә јаған јағыш кими олаҹаг.Онлар үмидини инсана бағламыр,Бәшәр оғлундан асылы дејилләр.
8 Јагубдан сағ галанлар халглар арасында,Чохлу халглар ичиндәМешә һејванлары арасындакы ширә бәнзәјәҹәк.Гојун сүрүсү ичинә ҝирмиш,Сүрүнүн ичиндән кечәрәк гојунлары гапыб парчалајан ҝәнҹ аслан кими олаҹаг,Онун ки, пәнҹәсиндән гуртаран олмаз.
9 Сән јағылар үзәриндә гәләбә чалаҹагсан,Бүтүн дүшмәнләрин мәһв олаҹаг».
10 Јеһова бәјан едир:«О ҝүн атларыны мәһв едәҹәјәм, арабаларыны сындыраҹағам.
11 Өлкәндәки шәһәрләри дармадағын едәҹәјәм,Бүтүн истеһкамларыны јерлә јексан едәҹәјәм.
12 Ҹадуҝәрлијинә сон гојаҹағам,Артыг сәндә сеһрбаз олмајаҹаг.+
13 Ојма бүтләрини, дик дашларыны* сындыраҹағам,Даһа әлинлә дүзәлтдијинә сәҹдә гылмајаҹагсан.+
14 Сәндәки Ашера бүтләрини* јериндән гопарыб атаҹағам,+Шәһәрләрини мәһв едәҹәјәм.
15 Итаәтсиз халглардан гәзәблә,Һиддәтлә гисас алаҹағам».
